سراج للانساب


عزيزي الزائر / عزيزتي الزائرة يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
وسنتشرف بتسجيلك

شكرا
ادارة المنتدي

اعرف نسبك

دخول

لقد نسيت كلمة السر

تدفق ال RSS


Yahoo! 
MSN 
AOL 
Netvibes 
Bloglines 

    في حب ميت سهيل قصيدة شعر بقلم أ/ محمد عزب مسلم

    شاطر
    avatar
    Admin
    Admin

    عدد الرسائل : 597
    العمر : 23
    الموقع : سراج للانساب
    تاريخ التسجيل : 01/09/2007

    default في حب ميت سهيل قصيدة شعر بقلم أ/ محمد عزب مسلم

    مُساهمة من طرف Admin في السبت نوفمبر 13, 2010 8:00 am

    في حب ميت سهيل قصيدة شعر بقلم أ/ محمد عزب مسلم
    في 2010/8/19




    يا ميت سهيل يا ميت سهيل يام الليالي منورة

    من قلبي باهديك السلام الله يا حتة سكرة

    بلدي وبحبك من زمن ولا أهجرك مهما جرى فخر

    البلاد انت هنا نهر الكرم فيك جرى مهما

    ابتعد عنك في يوم أقلق وأقول يا هل ترى ذي

    السمك ودي ميتي من غيرها روحي مفرفرة لو

    كنت في جنة عدن ساكن في قصر الجوهرة من

    النجمة أرجعلك أوام زي اللي خارج من طرة

    راجع بأعد في خطوتي واكره ما عندي المشورة

    قالوا دي فقر وفلاحين قلت البلد أم القرى

    دايما يا شيخ عاملنا زين الفوارس عنترة

    هو انت ليه دماغك حجر جربت عيشة القاهرة اخرج

    هناك عيشلك يومين وأديها حبة فنجرة قلت البلد

    ورد البلاد شمس النجوم الزاهرة دول ناس

    غلابة وطيبين وقلوبها صافية وطاهرة وابن البلد

    دوغري وصريح ماهو قلبه ذي الجوهرة وابنك ولد حر

    وأصيل و لا له في شغل المسخرة دا جدودنا ربّو

    وكبروا وفاتوها لينا مخضّرة فيها انزرع عضم

    الجدود إمتى الزمان يرجع ورا من لفتي هفضل

    هنا ولحد باب المقبرة والله زمان صدق اللي

    قال راجل سهيلي وكبّرة دا حمارنا ماشي في

    سكته عارف طريق المحكمة منساش في يوم هجم البعاد

    عالمضيفة ذي التتار والتهمة إيه يا محترم للبوسنة

    عاملين مؤتمر خدو مالبلد خمسين ولد ومسيل دموع ذي

    المطر ووقفنا وقفة مرجلة أدي ميت سهيل وقت الخطر

    يا غصة في حلق الطغاة للحق دايما تنتصر منساش كمان

    يوم الانتخاب جم بالدروع منعوا البشر في بلدنا قامت

    معركة باب اللجان يومها انكسر يوم قالوا غزة

    بتنضرب معدن أصيل فيك ظهر لما الشباب مدوا الكفوف

    من مال حلال خرجت ألوف هي كدة طول عمرها حرة وما

    تحني ظهرها ويا الغريب دايما تقف ولا تخشى إلا ربها ولا

    باشا ينفش لها ريشه يتشفّى فيها ويتأمر وحكاية

    العبد وسيده باصص لفوق وبيتكبر قالولي أيش

    عاجبك فيها قلت الوطن ما بيتقدر لو عشه على جله

    الرشاح دي تبقى قصر حطانه مرمر وساعات كتير هابه

    عليا ريح زكري من ورد وعنبر الدجوي واقف

    عالمنبر يؤمر وينهى عن المنكر وخيالى ما يفارق

    طيفة سبحانه أبدع من صور في وداني صوت الشيخ

    شواف الله عليك أيوا يا دوكتر والحج طه

    السمباوي يارب من الناس دول كتر وأديبنا

    عزت قمحاوي ابن البلد لازم يذكر نظرة ياعم

    الحج فؤاد عالبال بطربوشه الاحمر والعمدة غالب

    كان مجدع والشيخ سعيد بدر منور والفاتحة لمحمد

    عسكر عفة وأدب لازم تذكر ولا فاضلة غير سيرته

    الحلوة راح تنفعه يوم المحشر آه من التراب ياما

    بيتاوي حكم الكتاب وعد مقدّر وختامها مسك أسامة

    دياب يا رب يعلّي أكتر واكتر ذكر العمد فرض علينا

    وتاريخ بلد لازم ينشر الله عليك يا ليالي رمضان

    للفجر صاحيين نسحّر نسهر ونستنى الطبلة ونلف

    ورا عمك عبده فإيدينا شايلين لنضة صاروخ بهبابها حلوة

    وبتنور من العصر نستنى المدفع نسمع أدان الله أكبر

    ونحط ديلنا في سنانا عالدار أوام لجل ما نفطر سيدنا

    طه نوىالتراويح واقفين نذق في بعضينا وساعات نسيب

    الحنفية و الشيخ حسن يجري ورانا ولما ييجي علينا

    العيد نخرج بجلبية جديدة وبقرش نركب

    مرجيحة نديها شقة وطعمية وبميه فضه نجيب سردين

    محلاها دي لقمة هنية وساعات نجيب لنا سنارة نطلع في

    ساعة العصرية وسمك كتير ملو المشكاك والرزق عايز

    الخفية ونشك نخل الشيخ سالمان ويا الندى في الصبحية

    بالليل بنسمع الأبنودي يحكي في سيرته الهلالية فاكرك في

    بالي يا دكر التوت عند الميدان في السراوية ولما نكسب في

    الكورة نلف بالكاس الناحية يا محني ديل

    العصفورة وبلدنا هيّ المنصورة هزّ الشباك ياسر

    عبده حريف لا قبله ولا بعده والباك معاه كان

    لطفي إمام يا ويل أبوه اللي يعانده سالم دريس

    للماتش يذيع الله على خفة دمه نضحك كتير من جوه

    القلب والكل ينسى معاه همه ولما شيخنا أحمد

    ينده يا أهل البلد قوموا حريقة تلقى البلد

    راجل واحد والكل يسابق فيها دي زكريات هنا

    محفورة في القلب مع أجمل صورة لو هاكل المش

    بدودة شيء مستحيل أرحل عنها بلا منها روكسي

    بلا أطاليا أجمل ما فيهم بلدي يا ناس قول للزمان

    إرجع يا زمان قول للزمان إرجع يا زمان وولادك الشهدا

    بيروو بالدم فوق رملة سينا شهداء وأرواحهم

    حاضرة " المصري" والله ما نسينا والا شيهدك "لطفي

    دياب" دا لولاه لا رحنا ولا جينا و"أحمد مسلم" كان

    حارس أمن البلد خيره علينا أنا المتحني

    بترابك ولحم كتافي من خيرك أنا المعجون بميتها

    أنا المفتون بضلتها ولما يقولوا مين أنت


    أرد وقول أنا سهيلي أنا سهيلي أنا سهيلي
    avatar
    تامر سراج

    عدد الرسائل : 32
    العمر : 39
    تاريخ التسجيل : 27/10/2007

    default رد: في حب ميت سهيل قصيدة شعر بقلم أ/ محمد عزب مسلم

    مُساهمة من طرف تامر سراج في السبت نوفمبر 13, 2010 10:30 pm

    والله مافي أروع ولا أجمل ولا احلي من كدة تاريخ البلد كله في هذه القصيدة تسلم الأيادي يا أستاذ محمد وننتظر المذيد

    م/تامر سراج
    الدوحة قطر
    0097430280966
    avatar
    Admin
    Admin

    عدد الرسائل : 597
    العمر : 23
    الموقع : سراج للانساب
    تاريخ التسجيل : 01/09/2007

    default رد: في حب ميت سهيل قصيدة شعر بقلم أ/ محمد عزب مسلم

    مُساهمة من طرف Admin في الأحد نوفمبر 14, 2010 1:39 am

    الى الامام يا همام

      الوقت/التاريخ الآن هو الخميس أغسطس 16, 2018 7:38 pm