من طرف ★★ يومياتي في ايطاليا ★★
بسم الله الرحمان الرحيم.
السلام عليكم ورحمة الله وبركاته.
اخواني الكرام الموضوع اللي هاكتبه المرة هيكون مختلف شوية وحتى طريقة الكتابة هتكون مختلفة فهتكون بطريقة شعبية عامية عشان اخواننا بتوع اللغة العربية ميعلقوش على الكتابة وهي هتكون زي نظام يوميات ومواقف وحكايات شوفتها هنا في ايطاليا يمكن تفيد حد مهتم بايطاليا او حتى من باب الدردشة والفضفضة مع الاصحاب واللى مش هيعجبوا الكلام ويحس انه موضوع مالوش لزمة بارجوه ميعلقش واول حاجة هابدا بيها هي اول يوم نزلت فيه مطار مالبنسا في ميلانو بصراحة احساس غبي انك تركب طيران انت مش فاهم اللغة اللي بيتكلموها طاقم الطيران اذ فجاتن لقيت المضيفة بتقولى اربط الحزام عشان التيك اوف وانا مش مركز لاني قاعد موزبهل ومرعوب ولم التقط انفاسي الا لما نزلنا مطارمالبنسا وحظى الحلو ان الدنيا كانت بتمطر وانا لابس لبس خفيف فاتروقت ولولا ان خالى كان مستنيني بره كنت هاركب الميكروباص اللى راجع على مصر وبدات احس بالغربة من اول ما خرجت من صالة الانتظار لاني رغم الكورس الايطالي اللي اخدته الا اني اتلجلجت واتلخبطت ومعرفتش اسال على اي حاجة وكنت عامل زي هنيدي في فيلم همام في مشهد المطار ولكن الرجل كان لطيف وقاللي روح من الباب ده وهتخرج على بره عند منطقة استلام الشنط واخدت شنطتي وفضلت واقف في المطر لغاية ما اتصلت بخالي وجه خدني من امام المطار وروحت معاه على بيته اللذيذ بقه ان ده كان يوم 15 رمضان وكان سحوري في الجو وانتهى اليوم الاول ونكمل بعدين وبعد ما صيحت من النوم وفي اول جولة في ميلانو حسيت اني في بلد عادي يعني مفيش حاجة لفتت نظري وطبعا بقى الامل والتفاؤل ماليني زي ما اكون خلاص حققت كل احلامي في الدنيا ولكن بسرعة شمرت ايدي وعايز اشتغل يا بشر وفين الشغل والساعة بخمسة جنيه والحسابة بتحسب وفوجئت بالصدمة الاولى وهي اني لازم اشتغل مع قريبي اللى عاملي الدعوة لانه هو المسئول عني لغاية ما استلم البيرميسو يعني تصريح الاقامة المهم لقيت شوية شباب حلو كده قولت اسالهم لو فيه شغل قالولي لازم ورق عشان تشتغل طيب انا معاا فيزا لافورو يا اخوانا قالولي دي ملهاش قيمة لانها مش بيرميسو فقولت مفيش مفر اشتغل مع قريبي وامرى الى الله وعلى الرغم من اني عارف ان الشغل مع اقرايب مش لذيذ بس اهه احسن من القعدة وفجاة اتحولت ايطاليا لعزبة الرجل يقولى تشتغل 14 ساعة ب700 يورو واذا فجاتن لقيت نفسي باقول ازاي ياعم مش الشغل هنا بالساعة قاللي اه ده كان زمان المهم رضيت بالامر الواقع واشتغلت في سنترال اتصالات دولية وبدات رحلتي مع القصص منها المضحك ومنها الكئيب وباعتبر نفسي محظوظ لان شغلي في سنترال في اول ايامي اداني خبرة كبيرة جدا كان صعب احققها لو اشتغلت في اي مجال تاني وسمعت العجب من الناس المترددين على السنترال قصص كثير واكتشفت ان في ايطاليا قوتين عظميين غير حزب اليسار واليمين طبعا قوة تسمى الفيوم وبالاخص مركز تطون او طاطون زي ما بيقولوها ومحافظة الشرقية ودي بيمثلها قريتين ميت سهيل وبني هلال وفيه قوى تانية ولكن دول الاقوى والاشد قوة الفيوم ماسكة امعمار وقوة الشرقية ماسكة النظافة والمطابع و ونكمل بعدين سلام
نيجي بقى لتفاصيل الحياة في ميلانو واول حاجة طبعا هي السكن والسكن هنا حاجة فظيعة جدا جدا وقد لاتتخيله والسبب في هذه الظاهرة هم العرب الذين اتوا من العراق والصينين وهم اصحاب ظاهرة العشرة في اوضة والحاجات دي يبدا سعر السكن من 130€ +10€ سبيسا وكلمة سبيسا هي spesa اي مصاريف او استهلاك يعني معني قريب من كده وهي كلمة مشهورة جدا وهنستخدمها كتير وطبعا ابو 130€ لا يصلح للبشر ولكنه له شعبية رهيبة ويوجد 150€ ,200€ ,250€
وهي اقرب السكنات الى الادمية حيث اقل ايجار لشقة هو 600€ داخل ميلانو وعلى حدودها على حسب المنطقة والعمارة ممكن تلاقي برضه شقة ب 350€ ولكنها ليست لك كاجنبي لان اصحابنا القدام ادوا للطلاينة فكرة انك كاجنبي تستطيع الحياة وسط 10 في شقة 35 متر فبيرفضوا ياجروا لك شقة وستضطر دائما الى البحث عن سكن مع مصريين وعرب او حتى من سودامريكا او بتوع امريكا الجنوبية ودول حواديتهم كتير فالناس دي مفضلين اوي بالنسبة لاصحاب السكنات الطلاينة لانهم مش بيقعدوا كتير في شقة يعني بيعيشوا في البلد ولكن فيه نوع تاني من السكنات ولكنهاصعبهم واقساهم وهو صاحب السكن الاجنبي وده بيكون راجل شاري الشقة عن طريق البنك بالقسط وبيترواح القسط من 500€ الى 1000€ ولكن صاحب السكن الاجنبي حسبته فيها جشع رهيب فهو بيعتبرها مشروع وبيكسب منها اقصى مكسب على حساب الناس اللي بتؤجر الشقة وبيعتمد طبعا على انهم غير شرعيين وده باختصار السكن في ميلانو ولكن في محافظات اخرى في ايطاليا فالسكنات لطيفة وظريفة ورخيصة ولكنها حظوظ
نيجي بقى للمواصلات ميلانو فيها ثلاث انواع اساسية من الموصلات اتوبيس ومترو وتيرام دي كلها مواصلات داخليةويكون ايضا القطار والاتوبيسات الخارجية ولكنك لو سكنك داخل ميلانو وشغلك برضه داخل ميلانو هتستعمل نوع واحد من التذاكر وهو تذكرة atm وتسمى بليتا biglitta وده شكلها
ده شكل التيسسيرا الشهرية او الابونيه الشهري وده مدته شهر مرتين يوميا ب 30€
ودي الماكينة اللي بتختم فيها التذكرة او بتمشى عليها التيسسيررا
ودي تذكرة فئة الواحد يورو ودي مدتها 75 دقيقة من ساعة ما تختمها
ودي طريقة ختمها
ودي بقى الماكينة اللي بتجيب منها التذكرة
ودي موجودة في محطات المترو ودي اشكال المواصلات
واهم حاجة تخلوا بالكم منها في الزوغان من ختم التذاكر هو الكنترول او بالمصري عباس ودول ناس شغالين في الشركة بيكونوا على الاقل 4 اشخاص لابسين قميص ازرق وبنطلون ازرق وجيلية نبيتي وجاكت ازرق وكاب ازرق زي بتاع البوليس وياما خلعت منهم ايام الفلس وقلة الشغل هههههههه ونكمل بعدين سلام
ونعود بقى لاشكال العملة من اول واحد شنتزمي لغاية 500 يورو ودي الصور
واهم حاجة بقى التسوق او ال سبيزا ودي عندنا كاجانب بتنقسم لنوعين حاجات من السوبر ماركت الكبير وحاجات من الجزرات والمحلات الاسلامية والاجنبية
واهم السوبرماركت في ميلانو هم ترتيبهم من الارخص للاغلى
نيجي بقا يا اخواني للجزرات الاسلامية ودي والحمد لله كثيرة جدا هنا ويوجد سلسة جزرات مشهورة جدا مثل جزارة الملك لله او جزارة عرفة ودي بتعمل عروض رهيبة في الاعياد ورمضان ومتوسط السعر هنا معقول بالنسبة للمرتبات يعني مثلا كيلو اللحمة الحلال موجود من 3€ لغاية 7€
الفراخ من 2.5€ لغاية 4.5€
الفول العلبة ب 0.50€
العيش الكيس من0.10€ لغاية 0.80€ على حسب النوع والعدد
المخلل 1.00€
الشاي الكيلو 5.00€
وهكذا وفيه برضه بعض السوبرماركت المشهورة بتبيع منتجات مصرية واجنبية وفراخ ولحوم حلال
نيجي بعد كده للاتصالات والانترنت
الاتصالات هنا ثلاث انواع طبعا اقصد اتصال الاجانب ببلادهم الاتصال من الموبايل وتوجد هنا خمس شركات للتليفون المحمول وهم
WIND ودي يملكها رجل الاعمال المصري نجيب ساويرس وفيها دائما افضل العروض لمصر
VODAFONE طبعا دي غنية عن التعريف
TIM ودي احد فروع تليكوم ايطاليا
TRE شركة شحاتة اوي بتديك الموبايل ببلاش لان اسعارها غالية
LG ودي شركة ملهاش لزمة وقليل اوي اوي اللي مشترك معاها
السلام عليكم ورحمة الله وبركاته.
نيجي للانترنت واسعاره وسرعاته الاجانب في ايطاليا نادرا ما يشتركوا في الانترنت في بيوتهم نظرا لعدم الاستقرار سواء في العمل او السكن واحتمال ايضا في البلد فممكن يجيلك شغل خارج محافظتك وتضطر ان تغيركلحاجة ولذلك يعتمد الاجانب على الانترنت كافيه والساعة هنا تختلف ففي محلات الصينين تكون الساعة ب 1€ وفي محلات المصريين وباى الجنسيات 1.5€ وباقى السنترلات الاسعار تختلف بالمكان والتقنية ولكنها لا تتعدى ال 5€
وشركات الانترنت كثيرة ومتنوعة وهذا ترتيبهم من الارخص للاغلى
السلام عليكم ورحمة الله وبركاته. النهاردة هاحكيلكم على الشعوب والثقافات والجاليات الموجودة في ايطاليا لاني تعاملت مع كل الجنسيات تقريبا وشوفت طباعهم وحياتهم عاملة ازاي وبيشتغلوا في ايه ناس كتير وترتيبهم في الموضوع هيكون حسب ترتيب الحكومة هنا وطبعا السلبيات والايجابيات مش هتكون رايي الشخصي فقط ولكنه من راي اغلب الناس هنا ونبتدي باكبر جالية موجودة وهي الجالية الرومانية
الرومان وهم من دولة دخلت حديثا الى الاتحاد الاوروبي في يناير 2007 هي وبلغاريا والرومان نوعان الرومان والزنجر او الغجر او الروم بالايطالي rom الرومان من الذ الجنسيات هنا فهم متحضرين مثقفين وبيشتغلوا في كل المجالات تقريبا ولكنهم مشتتون يعني زي حالاتنا كده يعني كل واحد مع نفسه ده غير انهم مختلطين بالايطاليين جدا وهم دائما مفضلون لديهم لانهم جد وبتوع شغل ده غير ان لغتهم قريبة من الايطالية فبيتكلموا اللغة بسرعة واعتز بصداقتى لناس كتير منهم ولكن النقطة السودة في حياتهم هم الغجر او الزنجر فهم من جعلهم في اوضاع اقل احتراما لان لا يوجد بيت ايطالى لم يعاني من الزنجر اما بسرقة او قتل او مرض لان الزنجر على الرغم من عشرتي ليهم فترة الا اني مع الرومان لانه فعلا انت ممكن تتوصم بعار ابن بلدك على الرغم من انك ممكن تكون كويس بس المشكلة اللي قدامك هيعرف منين انك كويس او وحش الا من تجاربه السابقة مع مواطني بلدك وتوجد نسبة كبيرة من الرومان يعملون في مجالات الدعارة والمخدرات ولكنها نسبة ليست بكبيرة وعاطفيين اوى وبيسمعوا موسيقى شرقي وبيحبوها وبيتفاعلوا مع قضايانا يعني لا تجد مصري الا وله علاقة جيدة باحدهم
لكن طبعا فيه علاقات لا يصح ان تذكر ولكنها في بطن الشاعر والحدق يفهم
اما النوع الثاني من الرومان فهم الزنجر او الغجر وكنت عملت عنهم موضوع قبل كده في
كنت حاكي عن تجربتي معاهم واعتقد اني قد ذكرت بالتفاصيل ما هي حياتهم وبكده نكون خلصنا من الرومان ونكمل باقى البشر بعدين مع السلامة و في رعاية الله.
السلام عليكم ورحمة الله وبركاته.
اخواني الاعزاء نكمل اليوميات بعد وقف اطلاق النار في غزة ورغم الالم والاسى اللي جوة الواحد
نكمل بثاني اكبر جالية في ايطاليا بعد الرومان هم الالبان وهم مواطنون دولة البانيا دولة من اوروبا الشرقية ودول كتير هنا ولكنهم من اسوا الجاليات هنا واكثرهم اجراما وهم ديانتهم مسلمون غالبا ولكن نادرا ماتجد اي حد فيهم بيصلي او يعرف حاجة عن الاسلام الا قليل وهم من اكتر المتنصرين لانهم يستفيدوا بتحولهم للمسيحية بفلوس وفرص شغل وهم دائما اما يعملون في المخدرات او يسرقون او في الدعارة وقليل جدا منهم من يعمل عمل محترم ده غير انهم شايفين نفسهم جدا هنا لانهم بلطجية ومعدومي الاخلاق بصراحة من الجاليات المزعجة جدا واحد اكبر اسباب تعنت الحكومة ضد الاجانب صحيح ودي حقيقة لا ينكرها احد بناتهم زي القمر و ده للاسف بيستغلوه هنا اسوا استغلال ولكنهم على الرغم من كده جبانات بمجرد ما تزيط فيهم يحترموك لكن تبقى لطيف معاهم تتعب وهم مختلطين بالطلاينة ايضا بشكل كبير ولا يوجد الكثير منهم في مناصب مهمة نظرا لانهم جالية دائمة المشاكل ومثيرة للقلق كثيرون منهم يعملون في تهريب السجائر من البانيا الى اوروبا ولكن باعتبار ايطاليا اكبر بلداوروبي فاتح قلبه للكل فهم منتشرون جدا فكل اللي جاي او عايش في ايطاليا لازم يحرص منهم جدا
ودي صورة للسفينة التي حملت 20الف الباني مرة واحدة الى ايطاليا في اواخر الثمانينات وتعد من اكبر عمليات الهجرة غير الشرعية في التاريخ
المافيا الألبانية
برزت بعد سقوط الشيوعية لتتعاون مع المافيا الإيطالية في تهريب المهاجرين غير الشرعيين إلى إيطاليا وغيرها من الأنشطة غير القانونية. التعاون بين المجموعتين امتد إلى الولايات المتحدة.
السلام عليكم ورحمة الله وبركاته. ونكمل مع بعض مع ثالث اكبر الجاليات في اوروبا وايطاليا وهي الجالية المغاربية وهي جالية دول المغرب العربي المغرب والجزائر وتونس لانهم تقريبا متشابهين في امور كثيرة يعني كلهم في الفرنساوي باشاوات وبيتكلموا اللغة الايطالية بسرعة جدا لان الفرنسي قريب جدا من الايطالى ويطلق عليهم لفظ ماروكيني اي مغربي بس دلوقتي بتطلق على كل من هو عربي او شمال افريقي والمغاربة نوعان نوع يدعو للفخر وهي الفئة التي تجد اثارها موجودة في اتحاد الجالية الاسلامية وموظفي ن في البنوك واقسام الشرطة والكنترول ده غير انهم عاملين شغل ثقافي روعة حتى ان سعاد سباعي وهي احد المغاربيات موجودة في البرلمان الايطالي ولها دور بارز في شئون الهجرة والاجانب رغم تحفظى على اراءها تجاه المسلمون وعلى النقيض توجد فئة اخرى رهيبة تعمل في المخدرات والدعارة وقد قرات احصائية صدمتني ان نسبة 38% من العاهرات الذين يعملون في ايطاليا هم مغاربة للاسف الشديد ولكن يلغي سلبياتهم تلك الفئة المثقفة والشباب المغربي بصفة عامة شباب طيب وكثيرا منهم متدينون ورائعون فعلا انا شخصيا عاشرت مغاربة في غاية الجمال والاحترام
السلام عليكم ورحمة الله وبركاته.
النهاردة هنتكلم عن جالية كبيرة ايضا ونظرا لتقاربهم الشديد في العادات والتقاليد والشكل والعيوب ولكن هذه المشاركة للكبار فقط هههههه زي فيلم بدون رقابة كده وهذه الجالية هي مواطنى قارة امريكا الجنوبية او بالايطالى سودامريكاني sudamericanii وهم مواطنى دول
الأرجنتين | بنما | بوليفيا | البرازيل | ترينيداد وتوباغو | تشيلي | كولومبيا | إكوادور | غويانا | باراغواي | بيرو | سورينام | أوروغواي | فنزويلا
وضيف عليهم كوبا والسلفادور كل مواطنى الدول دي يطلق عليهم سودامريكاني ودول حواديت ولا يوجد من لم يتعامل معاهم سواء في العمل او في السكن ودول اول مشكلة فيهم هو تحديد نوع من تتعامل معه فقد تجد امامك واحد شعره قصير ووشه خشب وطالع له شنب وخشن وتكتشف بعد كده انها ست والعكس تلاقي طلقة واقفة امامك والبرفان بتاعها يسطل وتكتشف انه راجل لانهم المصدر الاول للجنس الثالث فيوجد بهم نسبة كبيرة من الشواذ سواء رجال او نساء وبالاخص دول البيرو والاكوادور وبوليفيا فالرجال شبه النساء والاتنين وحشين ههههه واستثنى مواطني البرازيل والسلفادور وتشيلي والارجتنين لان البنات فيهم زي القمر ودي صفاتهم
1_ دائما سكرانين وبيطوحوا ومش مجمعين اي حاجة
2_ بيعشقوا الامورى اي الجنس مع اي حد واي حاجة واي وقت
3_ معدومي الشهامة والرجولة والنخوة فيكفيك خمس دقايق كلام مع اي حد فيهم لمعرفة هذه الخاصية
4_بيرقصوا عمال على بطال خصوصا بتوع البرازيل والارجنتين
والميزة الوحيدة اللى شايفها فيهم انهم بيضحكوا علطول
وعاملين زي المقرر بتاع سعيد صالح (مرسى الزناتي) في مدرسة المشاغبين يعني تقولوا تعالى يا مقرر يجي علطول هنا بقى تبص بس للمقرر نظرة ذات مغزى ههه يجي علطول ومفيش مشكلة ابدا عندهم ابدا في انك تاخد ميعاد منها وجوزها واقف وكبيره اوى لواتضايق منك يسيبكم ويمشي ولو مش مضايق ممكن يعزمك عنده ويشرب معاك
جالية مستفزة جدا بالنسبة لي لاني تعاملت معاهم كتير جدا وحكيت معاهم كتير لدرجة اني ساعات ضغطي كان بيبقى في السما خصوصا مع راجل منهم وانا اسف اني باذكره بالراجل وتجده يتحدث معك عن مفاتن زوجته او بنته وان مين قال انها جامدةجدا بصراحة والخلاصة عبارة عن شوية تيوس
ودائما ما تجد الست فيهم هي اللي بتصرف على البيت والراجل هو اللي بيطبخ وبيمسح
وعلى جانب الشغل طبعا من المقدمة عرفتوا ايه اكتر شغل بيشتغلوه وهم اساسين كخدم ورعاة مسنين خصوصا النساء والرجال يعملون في قطاعات النظافة والمصانع والمخازن وما الى ذلك
الاطفال منهم همج ومخربين فلا تجد وسيلة مواصلات واحدة خالية من اذاهم والشوارع حتى كلها كتابات ورسوم
ولكنهم خدومين في احيان كثيرة واذا صادقت احدهم تجده صديقا بمعنى الكلمة خصوصا لو بنت بس طبعا بعد ما تفهمها انك مسلم ومينفعش تعمل الحب من غير جواز وبنفولها كده io non posso fare il amore senza sposare perche sono muslemano
ايو نون بوسو فاري ال امورى سنسا سبوزاري بيركي سونو موسليمانو وطبعا لازم تقول انك مينفعش تعمل ده عشان انت مسلم وده من غير زواج في عقيدتك يعتبر غلط لانهم بمجرد ما تقول انا مينفعش اعمل الحب معاكي دماغها تروح في يا اما انت شاذ يا اما عندك ضعف ودول كثير هنا رغمانهم قريبين لدول الهجرة ولكن لانهم شعوب متطفلة وبتزبل اي دولة بتدخلها ونظرا لان ايطاليا فاتحة قلها للكل فهم كالجراد هنا وسهل جدا انك تعرف ان البيت ساكن فيه واحد منهم بصوت مزيكا عالى وزجاجات خمرة وبيرة فارغة مرمية في الشارع ونكمل معاهم اليوم الجاي إن شاء الله تعالى.
ونكمل تاني مع الجاليات الاجنبية في ايطاليا ونيجي بقى لجالية هي الاشيك والاروع في ايطاليا وهي جالية اوروبا الشرقية
وهي * روسيا* أوكرانيا * روسيا البيضاء * تشيك * لتوانيا * لاتفيا * مولدافيا * سلوفاكيا * المجر * إستونيا
وهي جالية محترمة مثقفة وهي بالفعل الاروع هنا ودائما مفضلة لدى اصحاب العمل الاجانب قبل الطلاينة فهم هادئيين جادين جدافي عملهم ودائما يتعاملون معك بابتسامة وسلوك حضاري جدا ده غير جمال الخلقة فيهم سواء نساء او رجال او اطفال ودائما يعملون في القطاعات الصحية كممرضين وممرضات والقطاعات الخدمية والسياحية كالفنادق والمطاعم والبارات والمحلات التجارية ويوجد قلة منهم تعملفي النظافة والمعمار والصناعة ريتم حياتهم هادئ ولطيف ولا يعانون كثيرا في ايجاد فرص العمل لانهم مستحبون من كل طبقات الشعب الايطالي والشعب الاوروبي كله ولكن توجد شريحة قليلة منهم تعمل في الاعمال الممنوعة مثل المخدرات والدعارة والانضمام للمافيا الايطالية ولكن الغالبية العظمى محترمة
واعتقد ان هذا الهدوء نابع من الطبيعة الخلابة في بلادهم الاصلية
السلام عليكم ورحمة الله وبركاته.
ونكمل مع الجاليات الاجنبية في ايطاليا ونيجي بقى لاهم وانشط جالية في العالم عامة وفي اوروبا وايطاليا خاصة وهي الجالية الصينية وما ادراك ما الجالية الصينية ويطلق عليهم تشينيزي cienesi وهم يعتبروا العدو الاول للطلاينة وسبب كبير في سياسات الطلاينة ضد الاجانب وعلى الرغم من ان عددهم لا يتعدي ال100الف في ايطاليا الا انهم يعتبروا اقوى واهم جالية ويعمل لهم الف حساب هنا ويوجد حي بالكامل في ميلانو كله محلات صينية وحتى سكان الحي كلهم صينين ويسمى بورتا تشنيزي او تشايناتاون porta cinesi o china twon ويشتهروا هنا ببيع الملابس والاجهزة
الصينين هنا من وجهة نظر الطلاينة هم سرطان يجب التخلص منه نظرا لما يفعلوه هنا فهم يصنعون الملابس والاحذية المشتهرة بها ايطاليا واغلب اقتصادها قائم على هذا النوع من الصناعة واتى الصينيون وصنعوا هذه الصناعات بسعر اقل كما انهم اشتروا كل ميلانو تقريبا فبمجرد ما يعرض اي مطعم او بار او مصنع او سنترال او شركة الا وتجد الصيني يدخل ويشتري ويدفع كاش وقد يكون لم يكمل عامه الاول في ايطاليا وهذا ما احسد عليهم الصينيون فهم قوة واتحاد يعشقوا بعض وصعب جدا ان تدخل وسطهم وهم لا يعملوا سوى مع بعضهم البعض ولا تجد غريبا وسطهم وحتى من ينشق عنهم ويعمل مع اخر يقاطعوه فهم مترابطين لدرجة رهيبة
ولكن هذا ليس هو السبب الوحيد لانه توجد قصص تحكى هنا عن ان الصينين مدعومين من المافيا السوداء وهي المافيا الصينية التى تعمل في كل شئ في السلاح والمخدرات وبيع الاعضاء وكل شئ قذر وياتوا الى اوروبا لغسيل اموالهم وبالتالي فلا توجد مشكلة في الفلوس لديهم لانها كلها غسيل ولكن يوجد نسبة كبيرة تقول انهم يقومون بعمل جماعي زي بنك او صندوق يتوجه اليه الصينين لتسجيل اسمائهم واحتياجاتهم وحينما يحتاج احد منهم عمل مشروع او شراء محل ياخذ من هذا الصندوق ولكن رايي الشخصي ان الصندوق هذا نصفه من المافيا ونصفه من الاشتراكات في الصندوق
ولكن طبعا لا يخفى على الكل شطارة الصينين ومثابرتهم فالصيني يستطيع العمل 18 ساعة في اليوم من غير ارهاق وباداء متميز
هذا على جانب العمل اما على الجانب الشخصى والانساني فهم جافين وحادين في التعامل ده غير انهم لا يتحدثون الايطالية بسرعه ونادرا ما تجد صيني يتحدث الايطالية بطلاقة فهم دائما يعملون مع بعض ولايحتاجوا للغة كثيرا
السلام عليكم ورحمة الله وبركاته.
ونكمل مع بعض الجاليات الاجنبية ونيجي للجالية الاسيوية والافريقية وفيها مجموعة دول مواطنيها مغتربين في العالم كله زي حالاتنا كده ونظرا لانها جاليات من غير صوت زينا برضه فهم عدد كبير ولكن ليس لهم اي تاثير يذكر كما انهم ليسوا بمثيري الشغب او المشاكل وهذه هي الدول التى اعنيها الفلبين الهند بنجلاديش سيريلانكا باكستان سوريا الاردن العراق فلسطين واندونيسيا ودول فريقيا مصر والسنغال والكاميرون وغانا وكوتديفوار والصومال واريتريا واثيوبيا والسودان وتشاد وموريتانيا ومورويشيوس ومدغشقر وشوية دول صغيرة في القارتين وطبعا مصر هتكون لوحدها في مشاركة خاصة
كل الدول دي تتوافق في حاجات كتير يعني دول بنجلاديش والسنغال والكاميرون والهند وباكستان اغلبهم بيشتغلوا في البيع المتجول يعني تلاقيهم في المحطات والشوارع الرئيسية بيبيعوا ورد وشماسي وجرايد وجوانتيات واحزمة والحاجات دي واغلبهم بيكون من غير اوراق لانهم بييجوا عن طريق البحر وفيه شوية قليليين جدا منهم اللي بياخدوا لجوء سياسي او انساني
ودولة زي الفلبين اغلبهم بيشتغل خدم او في رعاية المسنين ومعروف عن الفلبينيين انهم مؤدبين ونظاف وصوته مش عالى وجد في شغلهم وطيبين وهاديين وجالية لطيفة ولهم باع كبير في مواقف المهاجرين ضد سياسات الحكومة العنصرية
ودول زي سوريا وسريلانكا غالبا بيشتغلوا في مجال الصناعة والتجارة والزراعة وبيفتحوا شركات هنا وبيعملوا شغل كويس
وباقي الدول مش ليهم حاجة ميمزة لانهم بيشتغلوا في نفس المجالات وطبيعتهم واحدة
اما الافارقة فما يميزهم انهم دائما ضحايا للعنصرية من قبل الشرطة واحيانا من بل المواطنيين ودي تقريبا كل الجاليات اللي موجودة في ايطاليا بتنوعها واختلاف ثقافات وديانات وعادات وتقاليد
السلام عليكم ورحمة الله وبركاته.
وبعد ما حكينا عن الجاليات الموجودة في ايطاليا
هافرد المشاركة دي للجالية المصرية يعني اسمع سلااااام كبير اوى والسلام الجمهورى هيسقف هههه الجالية المصرية في ايطاليا اعتقد انه لاتوجد جالية مشابهة لها في اى مكان خصوصا الوافدين في اخر عشر سنين تحديدا ففي ايطاليا المصريين حسب الاحصائيات الرسمية الايطالية 75 الف وحسب السفارة المصرية 120الف وحسب تقديري الشخصي من 350الف-400الف على الاقل وتاتى هذه الاحصائيات لان 30%على الاقل من المصريين معاهم اوراق فلسطينية او عراقية او اي جنسية لها مشاكل في بلادها او حروب اهلية او مشاكل انسانية المهم انه يقول انه مش مصري عشان يدخلوه مركز الايواء وبعد كده يقرر انه يهرب ويروح لبلدياته ونبدا الموضوع من الاول
اولا في ايطاليا يوجد على الاقل واحد من كل قرية او مركز او بلد في مصر ولكن تبقى محافظة الفيوم هي الاكبر عددا ومتمثلة في مركز اطسا عامة وقرية تاتون بالذات فعلى قول اهلها انه يوجد من كل بيت على الاقل واحد في ايطاليا وعددهم يعتبر الاكبر فمواطنى قرية تاتون ينقسموا الى قسمين قسم البشوات وهو اصحاب الشركات والكووبراتيفات cooparative والامبريزات impresa خصوصا في مجال المعمار والكارتونجيسسو cartoogisso ودول نوعين نوع كويس بيحاسب الناس بما يرضى الله ونوع اجاراك الله ياكل مال النبي والنوع ده بيكون اومارتي او بتاع مخدرات او بنات
ولكن الناس السيئة هي الاكتر مع الاسف ومبوظين سمعة الناس الكويسة
والقسم الثاني هو قسم العمالة ودول نسبة كبيرة اوي وكلهم او نسبة كبيرة منهم اتعلموا المهنة هنا لان حسب ما فهمت منهم ان فيه اختلاف كبير بين طريقة المعمار في مصر عنها في ايطاليا ولكن نسبة كبيرة منهم عندهم خلفية مسبقة ولكن يتميز العامل المصري خصوصا في مجال المعمار عن سائر العمالة الاخرى من كافة الجنسيات ويوجد مصريين بارعين في مجال الموراتورا moratora وفي مجال الكارتونجيسسو cartoongisso وباقى اعمال السيراميك والباركيه والسباكة واغلب مواطني الفيوم يعملون في مجال المعمار
ودي شوية صور للمعمار
المحافظة التى تحتل المركز الثاني هي محافظة الشرقية ولكنها متشعبة شوية عن محافظة الفيوم حيث يوجد من كل قرى ومدن محافظة الشرقية ولكن توجد قريتان يعتبروا الاكثر قرية ميت سهيل واغلبهم يعملون في مجال المطابع ويوجد عائلة بالكامل من هذه القرية هنا وهي عائلة القطيط التى منها مازن القطيط صاحب شركة مصر2000 التى تدور القمامة في القاهرة وهو شريك بنسبة 40% في مطابع الدومس il doumes اكبر مطابع ميلانو وكان سبب في استضافة اغلب اقربائه وبلدياته فكلهم تقريبا يعملون في مجال المطابع ولا يدخلون اي غريب بينهم وتاتي بعد ذلك قرية بني هلال واغلبهم يعمل في مجال النظافة نظرا لان اغلبهم ياتوا ايضا على اقربائهم وبلدياتهم ده غير ان نسبة كبيرة منهم اخدت شغل من الباطن مع شركة amsa شركة النظافةالاولى في ايطاليا ودي شوية صور لعربيات والزي لشركة amsa
يتبع
السلام عليكم ورحمة الله وبركاته.
ونيجي للمحافظة الثالثة من حيث العدد وهى محافظة الدقهلية وبالذات قرية ميت الغرقا مركز طلخا وشانها ايضا شان باقى القرى السابقة حيث ايضا توجد عائلات بالكامل هنا وهم يعملون ايضا فيكافة المجالات كالمعمار والنظافة والمطابع
ثم تاتى محافظة المنوفية ومركز تلا كرابع محافظة من حيث العدد وايضا يعملون في نفس المجالات
ثم محافظة القليوبية وبالاخص كفر الجمال وتجد لهم تجمع ملحوظ في مدينة فاريزي وكان لهم منذ فترة ليست بالكبيرة احد ضحايا العنصرية الايطالية حيث قام صاحب عمل ايطالي بقتل احد مواطنين هذه القرية لمطالبته بحقه عن فترة عمله وقد خرجت مظاهرة كبيرة ايامها تندد بما حدث
وفي الاخير باقي محافظات مصر ولكن المحافظات والقرى السابقة هي اللي منها نسبة كبيرة تتعدى ال70% من عدد المصريين هنا
وباقى الاعمال التى يقوم بها المصريون
المطاعمresturante
والبيتزاريات pizzearia
والكباب kebab
والسنترالات phone center
الجزارات ماتشلريليرا macelleria islamica
ويوجد في ميلانو 3 او 4 ديسكوهات discoteca
اصحابها مصريين وفيها شيشة ورقص بلدي واخر مسخرة ويوجد مطعمان مشهوران جد في ميلانو اصحابهم مصريين برده مطعم خربوش وعنده كل الاكل المصري الجامد ومطعم جحا وده فاتج في وش خربوش نظام مصري برده ولكنه فتح بعد نجاح خربوش ولكن بصراحة مجربتش اكله ولكن بيقولوا عليه كويس
ونفتح بقى مع بعض عيوب ومميزات الجالية المصرية في ايطاليا والسلوك الشخصي لهم
هنحكي عن مميزات وعيوب الجالية المصرية هنا وطبعا دي حاجة تهمنا احنا كمصريين فقط
وطبعا هاقولها من وجهة نظرى انا من خلال تجربتي الصغيرة هنا وهابدا بالمميزات لانها افضل كبداية للحديث عن اي شئ وطبعا احنا كاى شعب في الدنيا فينا مميزات وعيوب
ونبدا باول ميزة لاحظتها هنا وهي التدين فعلى الرغم من ان المجتمع الايطالى بصفة عامة والاجانب بداخله يتسموا جميعا بالانحلال الديني والاخلاقي فلا يوجد معنى هنا للحياء فتجد بنت وولد مراهقين لم يتعدوا الحادية عشر من العمر في الشوارع والمواصلات ياتون بافعال في منتهى السفالة والاباحية ولا يجدوا من يردعهم ولكن الجالية المصرية بفضل الله وسط هذا الانحلال متدينة وتخاف الله في هذه الامور تحديدا وكبيرهم شقاوة لسان وتريقة فقط لكن لا ياتون بالفواحش وحتى في كل الصلوات تجد المساجد مليئة بالمصريين باغلبية كبيرة عن باقى الجنسيات المسلمة الاخرى دهغير ان حتى الجالية المصرية كلامها كله مموزج بذكر الله فلا تسمع منهم الا ان شاء الله بامر الله وعند الشكوى حتى لا يكفروا كباقى الجنسيات فتجدهم محتسبون ومتوكلين على الله على الرغم من بساطة تعليمهم وثقافتهم الا انهم من الصعب اقناعهم بغير الاسلام دينا وتجد ايضا اكثر بنات وستات الجالية المصرية حشمة وحياء عن سائر الجنسيات وحجابهم ونقابهم حاجة تفرح فعلا وعلى الرغم من اشمئزاز العلمانين المصريين ولهم وجود ايضا من ان هؤلاء فلاحون ويسيئوا لسمعتناولكني دائما على خلاف معهم في هذه النقطة تحديدا
لانه التدين ليس حكرا على احد وليس كل التعليم او كل المتعلمون هم المتديون ويوجد ناس صحيح قد لا يجيدوا القراءة والكتابة ولكنهم قد يوجد بداخلهم مخزون تدين يفوقوا المتعلمين واصحاب الشهادات وللاسف الشديد الفضائح هنا لا تاتي الا من اصحاب الشهادات ليه مش عارف ودي حاجة مخلياني مذهول فعلا ولكنه واقع وحتى ما يعجبني في المصريين هنا انهم لا يحبوا العمل في الحرام وممكن فلوس الحرام هنا اسرع واريح ولكنهم يفضلوا العمل الشاق عن العمل في الحرام ويتميزوا ايضا بهذه الصفة عن باقي الجنسيات في هذه النقطة وطبعا انا باتحدث عن نسبة لا تقل عن 60% من المصريين هنا ودي اول حاجة بتميزهم
والصفة او الميزة الثانية التى تمتاز بها الجالية المصرية وهي الطموح فعلى الرغم من ان نسبة كبيرة من المصريين غير مثقفين الا ان طموحهم لا يتوقف عند حد معين واحيانا بعض الطمع ولكن هذا الطموح مشروع فكل او اغلب الشباب اللي بييجوا هنا يريدوا ان يصلوا لوضع معين او هدفمعين ويسعوا لتحقيقه صحيح قد يتسم هذا الطموح بشئ من الانانية اوالارهاق البدني والنفسي فالمصري يستطيع تحمل الضغط والظروف القاسية في العمل ويستطيع تحمل فوق قدرة البشر وده بشهادة الطلاينة انفسهم ان المصري طموح جدا غير باقى الجنسيات ده غير انه مش بيحب يفضل تحت امرة حد لفترة كبيرة وده وضح جدا في تقرير الغرفة التجارية في ميلانو بوجود 23الف شركة اسست في ميلانو اصحابها اجانب وتاتي مصر رقم واحد من حيث عدد اصحاب الشركات وجلت 5الاف شركة واغلبهم شركات معمار ونظافة ومطاعم ومحلات تجارية ولكن مع هذا الطموح يظهر الطبع المصري السئ وهو الفهلوة والتحايل على القانون ويظهر هذا واضح في كم الضرائب الهزيل الذي يدفعه اصحاب هذه الشركات والمصري الذي يريد عمل اي مشروع تجد البنوك تتعامل معه بحرص شديد جدا لانهم للاسف زبائن دائمين لدى المحامين والمحاسبين الغير شرفاء والذين يتحايلون على القانون هنا ولكن هذا اسلوب قلة من المصريين ولكنها ميزة موجودة وواضحة وهي الطموح ولكن ما يعجبني شخصيا في الغالبية العظمى هي الطموح الشرعي والحلال
والصفة الثالثة اللي بتميز المصريين في ايطاليا هي المهارة والحرفية وسرعة التعلم فالمصري ياتي هنا قد يكون لا يعلم اي شئ عن الحرفة والمهنة التي يريد العمل فيها وما هي الا فترة بسيطة وتجده قد اصبح ماهرا في تلك الحرفة او المهنة على عكس اغلب الجاليات فياخذون وقت طويل لتعلم هذه المهنة وقد لا يجيدونها لان الجالية الوحيدة التى توجد بها نسبة كبيرة تعمل في الاعمال الحرفية والشاقة ولا تعتمد على المعونات والشحاتة وحتى سؤال المصري دائما عن وجود عمل غير باقي الجنسيات قد تسال عن العمل قليلا وتسال عن المال اكتر فهنا توجد جمعيات خيرية ومؤسسات اجتماعية تعطيك اكل ولبس وسكن ببلاش وتجد اقل المترددين على هذه الاماكن هم المصريين وبشهادة اغلب الجنسيات ان العامل المصري هو اكثر العمال مهارة خصوصا في مجال المعمار والصناعة ولا اعلم كثيرا عن مجال الزراعة لان اقليم لومبارديا يعتمد في المقام الاول على الصناعة
والصفة الرابعة هي الشهامة
والمرؤة وقد حكى لي شاب ايطالى يدعى جانلوكا يعمل ايضا في مجال المعمار انه راى موقفرائع لا ينساه ابدا لشاب مصري كان يعمل معه في كانتيرا cantira اى موقع شغل ويوجد ونش كبير يستخدم في نقل المواد من خارج الكانتيرا الى داخلها وغالبا ماترى هذا الونش العملاق في اغلب مواقع البناء ويحكي هذا الايطالى انه يوجد عامل رومانى موجود في احد المواقع وقد نشبت النيران في هذا الموقع فطبعا الدنيا اتقلبت وطلبوا المطافئ والاسعاف ولكن قبل ما يوصلوا كان الشاب المصري قد طلب منه انه ينقله بواسطة الونش ده الى الموقع اللي فيه الروماني رغم خطورة هذا على حياة الشاب المصري الا انه ذهب وانقذ العامل الروماني وسط اعجاب واشادة من كل الموجودين ومكافاة من صاحب الشركة ومن يومها وهذا الشاب الايطالى يحترم المصريين ويعتبرهم افضل الجاليات هنا وهذا ما اثار انتباهي حيث وجدته رحب بي كثيرا عندما علم اني مصري وكمان لقيته عارف كام كلمة كده مصري وفاجاني عندما حكى لى هذه القصة فانا بصراحة اعتقدت انه عندما المح انه سيتحدث عن موقفه مع مصري فتوقعت انه سوف يذكر موقف سئ او مقلب عمله فيه حد مصري ده غير انه معجب اوى بالمصريين في مجال المعمار وبيقول عليهم انهم مشكلتهم الوحيدة بالنسبة ليه انهم مش بيتكلموا الايطالية بسرعة وده اللى مخلي اصحابه مش كتير ودي المميزات
ونكمل بقى مع العيوب تقبلوا تحياتي
السلام عليكم ورحمة الله وبركاته.
ونكمل بعد المميزات اللي حكيناها عن الجالية المصرية اكيد لازم نتطرق لعيوبها وعيوبنا كمصريين قد تكون واحدة في كل الدول اللي بتغرب فيها ولكن انا هاقول العيوب اللى انا شايفها من وجهة نظري الشخصية واول عيب انا شوفته هنا هو الفتى وااااااااااااااه من الفتى وحب الاشاعات فهذا ما يعيبنا هنا بشدة وخصوصا عندما يتعلق الامر باخبار الهجرة او الاقامة فانا شخصيا دخلت في حوارات كتير وخناقات يمكن بسبب هذا العيب المزمن فمثلا تلاقي واحد بقاله اربع خمس سنين هنا وشغال كويس والعملية متظبطة معاه ولكن طبعا الحنين للاهل والبلد والراحة ولو فترة قليلة من مشاكل الحياة هنا ولكن تؤرقه مشكلة الاوراق لانه لميحضر اخر ساناتوريا فبالتالى اذا رجع الى مصر لن يستطيع العودة مرة اخرى فيبدا يسال اه يا جماعة مفيش ورق هيفتح فيبدا الفتى بقى تلاقى واحد راح مشمر وقايل بس يا جدعان محدش يتكلم انا هاقولكم الموضوع اصل انتم لامؤاخذة عالم غشيمة متعرفوش الطلاينة زيي طالما مش عارف ايه ويروح رازع اي سبب اهبل يبقى هيفتحوا ورق في شهر 9 واسال انا بقى وانت عرفت منين ? يقول لك اصل انا اعرف واحد كبير في الكويستورا قاللي كده طيب وهو قالك الكلام ده بناء على ايه يعني هو لا وزير ولا عضو برلمان ولا له قرار تشريعي هو مجرد هيئة تنفيذية فطبعا هو مفهمش البؤيين دول فيروح مخرجك من الموضوع على اساس ان انت ممكن تضيع له النصباية اللى ناوى ينصبها ولكن انا حشري خصوصا مع البشر ده فاقوله كل الاخبار والجرايد وتصريحات المسؤليين بيقولو مفيش تصحيح اوضاع لان بقى فيه قانون ارهاب وقوانين فلوسي وان من يريد ان يصبح شرعيا مفيش امامه سوى هذا القانون وهو تصريح حكومتان واحدة يمينية وواحدة يسارية يعنى مختلفين في كل شئ ومع ذلك اتفقوا على هذا المبدا وابدا انا بقى في التريقة عليه شان اكشفه فاقوله كلامك ده معناه يا اما انت في الحكومة ومتنكر يا اما الحكومة قررت انها تحتفظ بالسر ده لنفسها وقالتلك انت لوحدك في ودنك فيسكت وتانى حاجة تسال واحد عن مشكلة معينة وتكون حاجة عادية يروح مكبر لك الحكاية ويحسسك انه بعلاقاته واتصالاته اللي بتوصل لغاية بيرلسكوني ونابوليتانو هيخلص لك الحكاية بتاعتك بس طبعا الموضوع هيتكلف 300€ مثلا واللى بيغيظنى ان التاني بيصدقوا ومستعد يدفع له ولكن يقول اما اسال اي حد تاني اتاكد منه فايجيلي فاقوله يعنى واحد يعرف بيرلسكوني وليه اتصالاته يعنى ال300€ دول مش قليلة عليه يقولى اه اصله راجل طيب اقوله يا راجل يا طيب ده نصاب ومش يقدر يعمل لك ولا يعمل لنفسه اي حاجة ولكن للاسف الناس بسيطة وبتتعلق باي امل كذاب ودول طعا فريسة النصابين او فريسة المكلمنجية واللى عاملين نفسهم بيعرفوا الكوفت وهم اجهل ما يكون ومشكلتنا هنا ان احنا بنتعامل على ان القديم في البلد رئيس وزراء فاهم كل حاجة عارف كل حاجة كلامه لا يرد ويصدق من غير تفكير وقد يكون هذا القديم لا يعرف كيف يقرا ويكتب بالايطالية رغم مرور السنين عليه
وتانى عيب انا ملاحظه هنا برده اعتقاد ان الايطالى او الاجنبي صاحب الشغل هو اله وانه هو الذي يرزق فترى تمسيح الخوج والنفاق وكانك في عصر العبيد
نكمل اليوميات وهاتكلم عن الكورة في ايطاليا وتحديدا في ميلانو خصوصا بعد اللي حصل لي امبارح بسبب ماتش مانشستر وانترميلان شوفت يوم غبي مواصلة لا تتعدي ال15 دقيقة اتاخرت ساعتين ونص بسبب الهوليجانز والالتراس خرجوا من الاستاد عطلوا الطريق والبوليس اتجمع حواليهم وطبعا الحياة وقفت وبتوع مانشستر مجانين وعمالين يولعوا صواريخ ويرموها على البوليس وبتوع الالتراس بيردوا والسواق مش راضي ينزل حد عشان الطريق وحاجة كده ولا ماتش الاهلي والاسماعيلي في الاسماعيلية
وفي ميلانو يوجد ناديين من اشهر اندية العالم نادى ايه سي ميلان او الروسونيرو وده نادي ملك سيليفو بيرلسكوني وده طبعا غني عن التعريف
والنادي التاني هو انتر ميلان نادي المليادير الايكالي موراتي ويقال انه احد اكبر اعضاء المافيا ولكم مفيش حاجة اكيدة عليه
ولكن النادي الاطثر شعبية بين الاجانب هو الانتر ليه مش عارف
انا شخصيا بحب اليوفينتوس او لا فيكيا سنيورة او البيانكو نيرو رغم فضايحه الكتير الا انه ناديي المفضل واليساندرو ديل بييرو هو لاعبي المفضل
وطبعا لسوء حظى اني ساكن جنب الاستاد وهو ستاد ايضا غني عن التعريف وهو استاد سان سيرو
او الاسم الرسمي جوزيبي مياتسا فطبعا كل ماتش لازم اتلطع شوية في الشارع او في الاتوبيس خصوصا لان هنا بشر يسموا الالتراس ودول شوية عيال مجانين بيقلبوا الدنيا سواء فريقهم كسب او خسر
ومعروف عن الطلاينة انهم مجانين كورة وده فعلا واضح من حياتهم ولكنهم لا يعرفوا سوى الكورة بتاعتهم بس
وتعتبر الكورة هي لعبة السياسين في ايطاليا فكل سياسي ينوي تقديم برنامج معين عشان يكسب ود الطلاينة لازم تلاقي ليه علاقة بالكورة
وفيه برنامج لذيذ اوي اسمه ستريتشا لا نوتيتسيا stritscia la notizie
وفي البرنامج ده الفريق اللي يخسر او اللاعب اللي يغلط يروحوا يدولوه هدية مسخرة طبعا مينفعش اذكر الهدية بتكون عبارة عن ايه
وكانت الذ حلقة في البرنامج لما توتي وايه اس روما خسر 7/1 من مانشستر راحوا وادوا لكل لاعب الهدية دي وتوتي ضرب المذيع يومها
واحلى حاجة هنا اهتمامهم بالرياضة يعني تلاقي الساعة 6 او 7 الصبح مهما كان الجو ومهما كان السن تلاقيهم بالترنينحات وبيجروا واعمار كبيرة والواحد فينا ماشي بيكح ودول صحتهم حلوة جدا وسبحان الله تحس انهم بمواعيد يعني الساعة 6 الا عشرة مثلا تلاقي مفيش بني ادم في الشارع ولكن الساعة 6 بالضبط تلاقي ناس كتير بتجري او بتلعب اي نوع رياضة وده طبعا في الجناين الكتير والشوارع المتظبطة يتبع
نيجي بقى لاكتر حاجة مضايقاني في ايطاليا وهي الكلاب
الكلاب هنا ليه اوضاع تغيظ فعلا ففي كل دول العالم الغربي ستجد هذه الظاهرة فاهتمام الناس بالكلاب هنا اكتر من اهتمامهم بالانسان وسبحان الله انا من ساعة ما جيت شوفت اكتر من 500 نوع وشكل للكلاب وده غير الدلع اللي بيدلعوه هنا كمان بس اللي بيغيظني بجد انك تلاقي واحدة زي القمر وستايل والبروفوم بتاعها مالي الدنيا والشكل الجامد وماسكة كلب صغير اد القطة كده او اصغر وتفضل ماشية بيه لغاية ما الكلب يقضى حاجته وتلاقي صاحبتنا راحت مطلعها كيس من شنطتها ولابساه في ايديها وشايلة ال لامؤاخذة وتروح ترميه في اي شيستينو من بتاع الزبالة وعادي جدا وتلاقي واحد اد الهضبة وماسك كلب اد العصفور وماشي بيه
وتلاقي بت حجمها صغير وماشية بكلبين اد الحصان يعني حتى مفيش تناسق في الاحجام
ويا الله لو عربية خبطت كلب يبقى يوم اسود على السواق تلاقي الاسعاف والمطافي والبوليس والدنيا كلها اتقلبت وتلاقي علطول الطلاينة وقفوا ويبدوا عليهم شعور بالاسى لما اصاب الكلب الغلبان وتلاقي اللي بيعيط واللي متنرفز من رعونة السواق في اهدار حياة الكلب يعني حاجة تجيب الضغط
وفي مرة كنت ماشي ناحية الدومو وشوفت واحدة عجوزة ماسكة كلب وماشية في الممنوع فواحد مش اخد باله كان هيخبط الكلب يا الله على اللي حصل انا بقيت في ذهول لاني في الاول كنت فاهم ان الابندا دي عشان الست واتصدمت لما عرفت انها عشان الكلب فانا واقف وباضحك لما عرفت ان كل ده عشان الكلب وفجاة الشارع اتقفل وحطوا شرايط صفرا وحمرا عشان يقفلوا لغاية ما يخلصوا تحقيق واذ فجاتن الاقي نوع من الاسعاف اكتشفت انه مخصص لنفسية الكلب وصاحبته
المهم مشيت وانا باضرب كف على كف وتذكرت كلمه كان قالها لي صديقى اللي في انجلترا دلوقتي
لو تعلم كلاب الشرق الاوسط وافريقيا النعيم الذي تعيشه كلاب اوروبا لركبت البحر مع الانسان في مراكب الهجرة
ولكن هنا لو كلب عض واحد برده كارثة هنا لانها ممكن تدفع صاحب الكلب كل ما يملك لتعويض الشخص المعضوض
ويا سلام لو تتفرج في كل مكتبة او كمونا او حاجة تبع الحكومة تلاقي واحدة كاتبة قصتها مع الكلب بتاعها واحدة عارضة كلبها للبيع واحدة عاوزة تسيب كلبها لحد لانها هتقعد في المستشفى شوية يعني وتلاقي مواقع نت متخصصة في الكلاب
ده غير ان ليهم مكان في الجناين عشان يلعبوا ويتفسحوا
ومكان في المواصلات
وفيه قسم كامل في كل سوبر ماركت مخصص لاكل ولبس وشرب الكلاب
بصراحة حاجة تغيظ وتفرس
الواحد بيحقد على الكلاب
نكمل اليوميات ب البحث عن عمل وبما اني في مرحلة بحث عن عمل فهيكون ده الوقت المناسب اللي اتكلم فيه عن طريقة البحث عن شغل
وهنا العملية دي مقرفة جدا هنا نظرا لل CRISI او الازمة المالية
وطبعا عشان تشتغل لازم يكون عندك ثلاث حاجات
1- اقامة 2- لغة 3- حرفة معينة او خبرة
وطبعا ده من غير ترتيب لان ممكن يكون معاك لغة واقامة زي حالاتي ومش عندك حرفة معينة ومش تلاقي شغل وممكن يكون معاك الحرفة بس وبتزور الاقامة وتشتغل زي 70% من اللي شغالين هنا مش معاهم اوراق ولا لغة وبيشتغلوا وده عشان اما انهم بيكونوا حرفيين وماهرين في حرفتهم زي المصريين في المعمار والاتراك في الاكل مثلا او ان الشغل بيكون عادي بس صاحب الشغل بيستغل عدم حصولك على الاوراق وعدم معرفتك باللغة لاستغلالك وتشغيلك وقت كبير براتب قليل ومن غير اي سلامة وامان ليك يعني من الاخر لو مت عنده ...... ومات
نبدا الحكاية من الاول
عشان تشتغل يوجد ثلاث طرق اما عن طريق
1- اجنسيا دي لافورو AGENZIA DI LAVORO وده عبارة عن مكتب متخصص في ايداع العمالة في مواقع الشغل في نظير مقابل بياخده من صاحب العمل لان الاجنسيا دي هي اللي بتعينك وهي اللي مسئولة عن ضرايبك وعن قبضك ولو اجنبي هي اللي بتجدد لك الاقامة بناء على العقد اللي بتوقعه معاها واشهر الاجنسيات في ايطاليا هي
www.adecco.it
www.manpower.it
www.eurometis.it
GI GROUP
وميزة هذه الاجنسيات انهم مستفيدين من تشغيلك فانت كباحث عن عمل بالنسبة لهم عميل يودون راحتك ومساعدتك وبصراحة مقابلتهم حلوة وطريقة التعامل بتاعتهم لذيذة واغلب اللي بيكون شغال في السكرتارية بتاعتهم بنات طلاينة جامعيات فتلاقي الشياكة والرقي في التعامل وحتى لما تقول لهم مثلا يعني مفيش شغل تفضل تصبرك وتديك امل في الدنيا على عكس النوعين التانيين اللي اذكرهم في المشاركات المقبلة
وتبدا العملية بانك بتروح مثلا للاجنسيا وتقول
بونجورنو سونو ايجيتسيانو ستو شيركاندو لافورو
فتلاقي الرد الرقيق
سي تشيرتو بير سيمبرى تشي لافورو
مع ضحكة رقيقة ودعابة خفيفة
لان طبعا الواحد بيكون داخل والهم والغم كابسين على وشه ده غير صعوبة الموقف لانك بتكون مخضوض حبتين ومتوتر وقلقان وخمسين الف شعور ولكن تلاقيهم لطاف معاك
وتبدا تفهمك انك عشان تشتغل لازم يكون معاك دوكومنت DOCUMENT فتقول ايوة معايا بيرميسو دي سوجورنو وكوديتش فيسكالي وكارتا دينديتا يعني تصريح اقامة والرقم القومي والبطاقة الشخصية فتقولك بيرفيتو يعني تمام
طيب تسالك اشتغلت في ايه قبل كده كي فاتو لافورو بريما
فتقول الحاجة اللي اشتغلتها وتقول لك طيب يبقى انت مثلا الافضل ليك كذا وتاخد صور من اوراقك واول ما يلاقوا فرصة مناسبة ليك يتصلوا بيك عشان تروح تعمل بروفا لو عجبت صاحب الشغل واقتنع بيك يطلب منهم انهم يعينوك عشان تشتغل معاه وبعد التعيين بيدوك نموذج كده عليه اسم الاجنسيا وفيه ايام الشهر عشان تسجل فيه ساعات العمل اللي انت اشتغلتها وبعد كده اخر كل شهر تروح للاجمسيا تديهم النموذج ويدوك هما البوستباجا والشيك بمبلغ المرتب
وميزة الاجنسيا انها ملهاش في اللف والدوران وبتدفع لك فعلا التامينات والضرائب لهذا هي مش مفضلة عند الاجانب عامة والمصريين بشكل خاص لان طبعا انت كاجنبي ايامك في البلد معدودة ومرتبطة بمدة اقامتك فيها فمش من مصلحتك انك تدفع تامينات وضرائب لانها المفروض من حقك في سن المعاش اللي هو 65 سنة فطبعا مش مفضل بالنسبة للاجانب ونكمل مع باقي طرق الشغل في المشاركات القادمة
ونكمل مع طرق البحث عن عمل في
بسم الله الرحمان الرحيم.
السلام عليكم ورحمة الله وبركاته.
اخواني الكرام الموضوع اللي هاكتبه المرة هيكون مختلف شوية وحتى طريقة الكتابة هتكون مختلفة فهتكون بطريقة شعبية عامية عشان اخواننا بتوع اللغة العربية ميعلقوش على الكتابة وهي هتكون زي نظام يوميات ومواقف وحكايات شوفتها هنا في ايطاليا يمكن تفيد حد مهتم بايطاليا او حتى من باب الدردشة والفضفضة مع الاصحاب واللى مش هيعجبوا الكلام ويحس انه موضوع مالوش لزمة بارجوه ميعلقش واول حاجة هابدا بيها هي اول يوم نزلت فيه مطار مالبنسا في ميلانو بصراحة احساس غبي انك تركب طيران انت مش فاهم اللغة اللي بيتكلموها طاقم الطيران اذ فجاتن لقيت المضيفة بتقولى اربط الحزام عشان التيك اوف وانا مش مركز لاني قاعد موزبهل ومرعوب ولم التقط انفاسي الا لما نزلنا مطارمالبنسا وحظى الحلو ان الدنيا كانت بتمطر وانا لابس لبس خفيف فاتروقت ولولا ان خالى كان مستنيني بره كنت هاركب الميكروباص اللى راجع على مصر وبدات احس بالغربة من اول ما خرجت من صالة الانتظار لاني رغم الكورس الايطالي اللي اخدته الا اني اتلجلجت واتلخبطت ومعرفتش اسال على اي حاجة وكنت عامل زي هنيدي في فيلم همام في مشهد المطار ولكن الرجل كان لطيف وقاللي روح من الباب ده وهتخرج على بره عند منطقة استلام الشنط واخدت شنطتي وفضلت واقف في المطر لغاية ما اتصلت بخالي وجه خدني من امام المطار وروحت معاه على بيته اللذيذ بقه ان ده كان يوم 15 رمضان وكان سحوري في الجو وانتهى اليوم الاول ونكمل بعدين وبعد ما صيحت من النوم وفي اول جولة في ميلانو حسيت اني في بلد عادي يعني مفيش حاجة لفتت نظري وطبعا بقى الامل والتفاؤل ماليني زي ما اكون خلاص حققت كل احلامي في الدنيا ولكن بسرعة شمرت ايدي وعايز اشتغل يا بشر وفين الشغل والساعة بخمسة جنيه والحسابة بتحسب وفوجئت بالصدمة الاولى وهي اني لازم اشتغل مع قريبي اللى عاملي الدعوة لانه هو المسئول عني لغاية ما استلم البيرميسو يعني تصريح الاقامة المهم لقيت شوية شباب حلو كده قولت اسالهم لو فيه شغل قالولي لازم ورق عشان تشتغل طيب انا معاا فيزا لافورو يا اخوانا قالولي دي ملهاش قيمة لانها مش بيرميسو فقولت مفيش مفر اشتغل مع قريبي وامرى الى الله وعلى الرغم من اني عارف ان الشغل مع اقرايب مش لذيذ بس اهه احسن من القعدة وفجاة اتحولت ايطاليا لعزبة الرجل يقولى تشتغل 14 ساعة ب700 يورو واذا فجاتن لقيت نفسي باقول ازاي ياعم مش الشغل هنا بالساعة قاللي اه ده كان زمان المهم رضيت بالامر الواقع واشتغلت في سنترال اتصالات دولية وبدات رحلتي مع القصص منها المضحك ومنها الكئيب وباعتبر نفسي محظوظ لان شغلي في سنترال في اول ايامي اداني خبرة كبيرة جدا كان صعب احققها لو اشتغلت في اي مجال تاني وسمعت العجب من الناس المترددين على السنترال قصص كثير واكتشفت ان في ايطاليا قوتين عظميين غير حزب اليسار واليمين طبعا قوة تسمى الفيوم وبالاخص مركز تطون او طاطون زي ما بيقولوها ومحافظة الشرقية ودي بيمثلها قريتين ميت سهيل وبني هلال وفيه قوى تانية ولكن دول الاقوى والاشد قوة الفيوم ماسكة امعمار وقوة الشرقية ماسكة النظافة والمطابع و ونكمل بعدين سلام
نيجي بقى لتفاصيل الحياة في ميلانو واول حاجة طبعا هي السكن والسكن هنا حاجة فظيعة جدا جدا وقد لاتتخيله والسبب في هذه الظاهرة هم العرب الذين اتوا من العراق والصينين وهم اصحاب ظاهرة العشرة في اوضة والحاجات دي يبدا سعر السكن من 130€ +10€ سبيسا وكلمة سبيسا هي spesa اي مصاريف او استهلاك يعني معني قريب من كده وهي كلمة مشهورة جدا وهنستخدمها كتير وطبعا ابو 130€ لا يصلح للبشر ولكنه له شعبية رهيبة ويوجد 150€ ,200€ ,250€
وهي اقرب السكنات الى الادمية حيث اقل ايجار لشقة هو 600€ داخل ميلانو وعلى حدودها على حسب المنطقة والعمارة ممكن تلاقي برضه شقة ب 350€ ولكنها ليست لك كاجنبي لان اصحابنا القدام ادوا للطلاينة فكرة انك كاجنبي تستطيع الحياة وسط 10 في شقة 35 متر فبيرفضوا ياجروا لك شقة وستضطر دائما الى البحث عن سكن مع مصريين وعرب او حتى من سودامريكا او بتوع امريكا الجنوبية ودول حواديتهم كتير فالناس دي مفضلين اوي بالنسبة لاصحاب السكنات الطلاينة لانهم مش بيقعدوا كتير في شقة يعني بيعيشوا في البلد ولكن فيه نوع تاني من السكنات ولكنهاصعبهم واقساهم وهو صاحب السكن الاجنبي وده بيكون راجل شاري الشقة عن طريق البنك بالقسط وبيترواح القسط من 500€ الى 1000€ ولكن صاحب السكن الاجنبي حسبته فيها جشع رهيب فهو بيعتبرها مشروع وبيكسب منها اقصى مكسب على حساب الناس اللي بتؤجر الشقة وبيعتمد طبعا على انهم غير شرعيين وده باختصار السكن في ميلانو ولكن في محافظات اخرى في ايطاليا فالسكنات لطيفة وظريفة ورخيصة ولكنها حظوظ
نيجي بقى للمواصلات ميلانو فيها ثلاث انواع اساسية من الموصلات اتوبيس ومترو وتيرام دي كلها مواصلات داخليةويكون ايضا القطار والاتوبيسات الخارجية ولكنك لو سكنك داخل ميلانو وشغلك برضه داخل ميلانو هتستعمل نوع واحد من التذاكر وهو تذكرة atm وتسمى بليتا biglitta وده شكلها
ده شكل التيسسيرا الشهرية او الابونيه الشهري وده مدته شهر مرتين يوميا ب 30€
ودي الماكينة اللي بتختم فيها التذكرة او بتمشى عليها التيسسيررا
ودي تذكرة فئة الواحد يورو ودي مدتها 75 دقيقة من ساعة ما تختمها
ودي طريقة ختمها
ودي بقى الماكينة اللي بتجيب منها التذكرة
ودي موجودة في محطات المترو ودي اشكال المواصلات
واهم حاجة تخلوا بالكم منها في الزوغان من ختم التذاكر هو الكنترول او بالمصري عباس ودول ناس شغالين في الشركة بيكونوا على الاقل 4 اشخاص لابسين قميص ازرق وبنطلون ازرق وجيلية نبيتي وجاكت ازرق وكاب ازرق زي بتاع البوليس وياما خلعت منهم ايام الفلس وقلة الشغل هههههههه ونكمل بعدين سلام
ونعود بقى لاشكال العملة من اول واحد شنتزمي لغاية 500 يورو ودي الصور
واهم حاجة بقى التسوق او ال سبيزا ودي عندنا كاجانب بتنقسم لنوعين حاجات من السوبر ماركت الكبير وحاجات من الجزرات والمحلات الاسلامية والاجنبية
واهم السوبرماركت في ميلانو هم ترتيبهم من الارخص للاغلى
نيجي بقا يا اخواني للجزرات الاسلامية ودي والحمد لله كثيرة جدا هنا ويوجد سلسة جزرات مشهورة جدا مثل جزارة الملك لله او جزارة عرفة ودي بتعمل عروض رهيبة في الاعياد ورمضان ومتوسط السعر هنا معقول بالنسبة للمرتبات يعني مثلا كيلو اللحمة الحلال موجود من 3€ لغاية 7€
الفراخ من 2.5€ لغاية 4.5€
الفول العلبة ب 0.50€
العيش الكيس من0.10€ لغاية 0.80€ على حسب النوع والعدد
المخلل 1.00€
الشاي الكيلو 5.00€
وهكذا وفيه برضه بعض السوبرماركت المشهورة بتبيع منتجات مصرية واجنبية وفراخ ولحوم حلال
نيجي بعد كده للاتصالات والانترنت
الاتصالات هنا ثلاث انواع طبعا اقصد اتصال الاجانب ببلادهم الاتصال من الموبايل وتوجد هنا خمس شركات للتليفون المحمول وهم
WIND ودي يملكها رجل الاعمال المصري نجيب ساويرس وفيها دائما افضل العروض لمصر
VODAFONE طبعا دي غنية عن التعريف
TIM ودي احد فروع تليكوم ايطاليا
TRE شركة شحاتة اوي بتديك الموبايل ببلاش لان اسعارها غالية
LG ودي شركة ملهاش لزمة وقليل اوي اوي اللي مشترك معاها
السلام عليكم ورحمة الله وبركاته.
نيجي للانترنت واسعاره وسرعاته الاجانب في ايطاليا نادرا ما يشتركوا في الانترنت في بيوتهم نظرا لعدم الاستقرار سواء في العمل او السكن واحتمال ايضا في البلد فممكن يجيلك شغل خارج محافظتك وتضطر ان تغيركلحاجة ولذلك يعتمد الاجانب على الانترنت كافيه والساعة هنا تختلف ففي محلات الصينين تكون الساعة ب 1€ وفي محلات المصريين وباى الجنسيات 1.5€ وباقى السنترلات الاسعار تختلف بالمكان والتقنية ولكنها لا تتعدى ال 5€
وشركات الانترنت كثيرة ومتنوعة وهذا ترتيبهم من الارخص للاغلى
السلام عليكم ورحمة الله وبركاته. النهاردة هاحكيلكم على الشعوب والثقافات والجاليات الموجودة في ايطاليا لاني تعاملت مع كل الجنسيات تقريبا وشوفت طباعهم وحياتهم عاملة ازاي وبيشتغلوا في ايه ناس كتير وترتيبهم في الموضوع هيكون حسب ترتيب الحكومة هنا وطبعا السلبيات والايجابيات مش هتكون رايي الشخصي فقط ولكنه من راي اغلب الناس هنا ونبتدي باكبر جالية موجودة وهي الجالية الرومانية
الرومان وهم من دولة دخلت حديثا الى الاتحاد الاوروبي في يناير 2007 هي وبلغاريا والرومان نوعان الرومان والزنجر او الغجر او الروم بالايطالي rom الرومان من الذ الجنسيات هنا فهم متحضرين مثقفين وبيشتغلوا في كل المجالات تقريبا ولكنهم مشتتون يعني زي حالاتنا كده يعني كل واحد مع نفسه ده غير انهم مختلطين بالايطاليين جدا وهم دائما مفضلون لديهم لانهم جد وبتوع شغل ده غير ان لغتهم قريبة من الايطالية فبيتكلموا اللغة بسرعة واعتز بصداقتى لناس كتير منهم ولكن النقطة السودة في حياتهم هم الغجر او الزنجر فهم من جعلهم في اوضاع اقل احتراما لان لا يوجد بيت ايطالى لم يعاني من الزنجر اما بسرقة او قتل او مرض لان الزنجر على الرغم من عشرتي ليهم فترة الا اني مع الرومان لانه فعلا انت ممكن تتوصم بعار ابن بلدك على الرغم من انك ممكن تكون كويس بس المشكلة اللي قدامك هيعرف منين انك كويس او وحش الا من تجاربه السابقة مع مواطني بلدك وتوجد نسبة كبيرة من الرومان يعملون في مجالات الدعارة والمخدرات ولكنها نسبة ليست بكبيرة وعاطفيين اوى وبيسمعوا موسيقى شرقي وبيحبوها وبيتفاعلوا مع قضايانا يعني لا تجد مصري الا وله علاقة جيدة باحدهم
لكن طبعا فيه علاقات لا يصح ان تذكر ولكنها في بطن الشاعر والحدق يفهم
اما النوع الثاني من الرومان فهم الزنجر او الغجر وكنت عملت عنهم موضوع قبل كده في
كنت حاكي عن تجربتي معاهم واعتقد اني قد ذكرت بالتفاصيل ما هي حياتهم وبكده نكون خلصنا من الرومان ونكمل باقى البشر بعدين مع السلامة و في رعاية الله.
السلام عليكم ورحمة الله وبركاته.
اخواني الاعزاء نكمل اليوميات بعد وقف اطلاق النار في غزة ورغم الالم والاسى اللي جوة الواحد
نكمل بثاني اكبر جالية في ايطاليا بعد الرومان هم الالبان وهم مواطنون دولة البانيا دولة من اوروبا الشرقية ودول كتير هنا ولكنهم من اسوا الجاليات هنا واكثرهم اجراما وهم ديانتهم مسلمون غالبا ولكن نادرا ماتجد اي حد فيهم بيصلي او يعرف حاجة عن الاسلام الا قليل وهم من اكتر المتنصرين لانهم يستفيدوا بتحولهم للمسيحية بفلوس وفرص شغل وهم دائما اما يعملون في المخدرات او يسرقون او في الدعارة وقليل جدا منهم من يعمل عمل محترم ده غير انهم شايفين نفسهم جدا هنا لانهم بلطجية ومعدومي الاخلاق بصراحة من الجاليات المزعجة جدا واحد اكبر اسباب تعنت الحكومة ضد الاجانب صحيح ودي حقيقة لا ينكرها احد بناتهم زي القمر و ده للاسف بيستغلوه هنا اسوا استغلال ولكنهم على الرغم من كده جبانات بمجرد ما تزيط فيهم يحترموك لكن تبقى لطيف معاهم تتعب وهم مختلطين بالطلاينة ايضا بشكل كبير ولا يوجد الكثير منهم في مناصب مهمة نظرا لانهم جالية دائمة المشاكل ومثيرة للقلق كثيرون منهم يعملون في تهريب السجائر من البانيا الى اوروبا ولكن باعتبار ايطاليا اكبر بلداوروبي فاتح قلبه للكل فهم منتشرون جدا فكل اللي جاي او عايش في ايطاليا لازم يحرص منهم جدا
ودي صورة للسفينة التي حملت 20الف الباني مرة واحدة الى ايطاليا في اواخر الثمانينات وتعد من اكبر عمليات الهجرة غير الشرعية في التاريخ
المافيا الألبانية
برزت بعد سقوط الشيوعية لتتعاون مع المافيا الإيطالية في تهريب المهاجرين غير الشرعيين إلى إيطاليا وغيرها من الأنشطة غير القانونية. التعاون بين المجموعتين امتد إلى الولايات المتحدة.
السلام عليكم ورحمة الله وبركاته. ونكمل مع بعض مع ثالث اكبر الجاليات في اوروبا وايطاليا وهي الجالية المغاربية وهي جالية دول المغرب العربي المغرب والجزائر وتونس لانهم تقريبا متشابهين في امور كثيرة يعني كلهم في الفرنساوي باشاوات وبيتكلموا اللغة الايطالية بسرعة جدا لان الفرنسي قريب جدا من الايطالى ويطلق عليهم لفظ ماروكيني اي مغربي بس دلوقتي بتطلق على كل من هو عربي او شمال افريقي والمغاربة نوعان نوع يدعو للفخر وهي الفئة التي تجد اثارها موجودة في اتحاد الجالية الاسلامية وموظفي ن في البنوك واقسام الشرطة والكنترول ده غير انهم عاملين شغل ثقافي روعة حتى ان سعاد سباعي وهي احد المغاربيات موجودة في البرلمان الايطالي ولها دور بارز في شئون الهجرة والاجانب رغم تحفظى على اراءها تجاه المسلمون وعلى النقيض توجد فئة اخرى رهيبة تعمل في المخدرات والدعارة وقد قرات احصائية صدمتني ان نسبة 38% من العاهرات الذين يعملون في ايطاليا هم مغاربة للاسف الشديد ولكن يلغي سلبياتهم تلك الفئة المثقفة والشباب المغربي بصفة عامة شباب طيب وكثيرا منهم متدينون ورائعون فعلا انا شخصيا عاشرت مغاربة في غاية الجمال والاحترام
السلام عليكم ورحمة الله وبركاته.
النهاردة هنتكلم عن جالية كبيرة ايضا ونظرا لتقاربهم الشديد في العادات والتقاليد والشكل والعيوب ولكن هذه المشاركة للكبار فقط هههههه زي فيلم بدون رقابة كده وهذه الجالية هي مواطنى قارة امريكا الجنوبية او بالايطالى سودامريكاني sudamericanii وهم مواطنى دول
الأرجنتين | بنما | بوليفيا | البرازيل | ترينيداد وتوباغو | تشيلي | كولومبيا | إكوادور | غويانا | باراغواي | بيرو | سورينام | أوروغواي | فنزويلا
وضيف عليهم كوبا والسلفادور كل مواطنى الدول دي يطلق عليهم سودامريكاني ودول حواديت ولا يوجد من لم يتعامل معاهم سواء في العمل او في السكن ودول اول مشكلة فيهم هو تحديد نوع من تتعامل معه فقد تجد امامك واحد شعره قصير ووشه خشب وطالع له شنب وخشن وتكتشف بعد كده انها ست والعكس تلاقي طلقة واقفة امامك والبرفان بتاعها يسطل وتكتشف انه راجل لانهم المصدر الاول للجنس الثالث فيوجد بهم نسبة كبيرة من الشواذ سواء رجال او نساء وبالاخص دول البيرو والاكوادور وبوليفيا فالرجال شبه النساء والاتنين وحشين ههههه واستثنى مواطني البرازيل والسلفادور وتشيلي والارجتنين لان البنات فيهم زي القمر ودي صفاتهم
1_ دائما سكرانين وبيطوحوا ومش مجمعين اي حاجة
2_ بيعشقوا الامورى اي الجنس مع اي حد واي حاجة واي وقت
3_ معدومي الشهامة والرجولة والنخوة فيكفيك خمس دقايق كلام مع اي حد فيهم لمعرفة هذه الخاصية
4_بيرقصوا عمال على بطال خصوصا بتوع البرازيل والارجنتين
والميزة الوحيدة اللى شايفها فيهم انهم بيضحكوا علطول
وعاملين زي المقرر بتاع سعيد صالح (مرسى الزناتي) في مدرسة المشاغبين يعني تقولوا تعالى يا مقرر يجي علطول هنا بقى تبص بس للمقرر نظرة ذات مغزى ههه يجي علطول ومفيش مشكلة ابدا عندهم ابدا في انك تاخد ميعاد منها وجوزها واقف وكبيره اوى لواتضايق منك يسيبكم ويمشي ولو مش مضايق ممكن يعزمك عنده ويشرب معاك
جالية مستفزة جدا بالنسبة لي لاني تعاملت معاهم كتير جدا وحكيت معاهم كتير لدرجة اني ساعات ضغطي كان بيبقى في السما خصوصا مع راجل منهم وانا اسف اني باذكره بالراجل وتجده يتحدث معك عن مفاتن زوجته او بنته وان مين قال انها جامدةجدا بصراحة والخلاصة عبارة عن شوية تيوس
ودائما ما تجد الست فيهم هي اللي بتصرف على البيت والراجل هو اللي بيطبخ وبيمسح
وعلى جانب الشغل طبعا من المقدمة عرفتوا ايه اكتر شغل بيشتغلوه وهم اساسين كخدم ورعاة مسنين خصوصا النساء والرجال يعملون في قطاعات النظافة والمصانع والمخازن وما الى ذلك
الاطفال منهم همج ومخربين فلا تجد وسيلة مواصلات واحدة خالية من اذاهم والشوارع حتى كلها كتابات ورسوم
ولكنهم خدومين في احيان كثيرة واذا صادقت احدهم تجده صديقا بمعنى الكلمة خصوصا لو بنت بس طبعا بعد ما تفهمها انك مسلم ومينفعش تعمل الحب من غير جواز وبنفولها كده io non posso fare il amore senza sposare perche sono muslemano
ايو نون بوسو فاري ال امورى سنسا سبوزاري بيركي سونو موسليمانو وطبعا لازم تقول انك مينفعش تعمل ده عشان انت مسلم وده من غير زواج في عقيدتك يعتبر غلط لانهم بمجرد ما تقول انا مينفعش اعمل الحب معاكي دماغها تروح في يا اما انت شاذ يا اما عندك ضعف ودول كثير هنا رغمانهم قريبين لدول الهجرة ولكن لانهم شعوب متطفلة وبتزبل اي دولة بتدخلها ونظرا لان ايطاليا فاتحة قلها للكل فهم كالجراد هنا وسهل جدا انك تعرف ان البيت ساكن فيه واحد منهم بصوت مزيكا عالى وزجاجات خمرة وبيرة فارغة مرمية في الشارع ونكمل معاهم اليوم الجاي إن شاء الله تعالى.
ونكمل تاني مع الجاليات الاجنبية في ايطاليا ونيجي بقى لجالية هي الاشيك والاروع في ايطاليا وهي جالية اوروبا الشرقية
وهي * روسيا* أوكرانيا * روسيا البيضاء * تشيك * لتوانيا * لاتفيا * مولدافيا * سلوفاكيا * المجر * إستونيا
وهي جالية محترمة مثقفة وهي بالفعل الاروع هنا ودائما مفضلة لدى اصحاب العمل الاجانب قبل الطلاينة فهم هادئيين جادين جدافي عملهم ودائما يتعاملون معك بابتسامة وسلوك حضاري جدا ده غير جمال الخلقة فيهم سواء نساء او رجال او اطفال ودائما يعملون في القطاعات الصحية كممرضين وممرضات والقطاعات الخدمية والسياحية كالفنادق والمطاعم والبارات والمحلات التجارية ويوجد قلة منهم تعملفي النظافة والمعمار والصناعة ريتم حياتهم هادئ ولطيف ولا يعانون كثيرا في ايجاد فرص العمل لانهم مستحبون من كل طبقات الشعب الايطالي والشعب الاوروبي كله ولكن توجد شريحة قليلة منهم تعمل في الاعمال الممنوعة مثل المخدرات والدعارة والانضمام للمافيا الايطالية ولكن الغالبية العظمى محترمة
واعتقد ان هذا الهدوء نابع من الطبيعة الخلابة في بلادهم الاصلية
السلام عليكم ورحمة الله وبركاته.
ونكمل مع الجاليات الاجنبية في ايطاليا ونيجي بقى لاهم وانشط جالية في العالم عامة وفي اوروبا وايطاليا خاصة وهي الجالية الصينية وما ادراك ما الجالية الصينية ويطلق عليهم تشينيزي cienesi وهم يعتبروا العدو الاول للطلاينة وسبب كبير في سياسات الطلاينة ضد الاجانب وعلى الرغم من ان عددهم لا يتعدي ال100الف في ايطاليا الا انهم يعتبروا اقوى واهم جالية ويعمل لهم الف حساب هنا ويوجد حي بالكامل في ميلانو كله محلات صينية وحتى سكان الحي كلهم صينين ويسمى بورتا تشنيزي او تشايناتاون porta cinesi o china twon ويشتهروا هنا ببيع الملابس والاجهزة
الصينين هنا من وجهة نظر الطلاينة هم سرطان يجب التخلص منه نظرا لما يفعلوه هنا فهم يصنعون الملابس والاحذية المشتهرة بها ايطاليا واغلب اقتصادها قائم على هذا النوع من الصناعة واتى الصينيون وصنعوا هذه الصناعات بسعر اقل كما انهم اشتروا كل ميلانو تقريبا فبمجرد ما يعرض اي مطعم او بار او مصنع او سنترال او شركة الا وتجد الصيني يدخل ويشتري ويدفع كاش وقد يكون لم يكمل عامه الاول في ايطاليا وهذا ما احسد عليهم الصينيون فهم قوة واتحاد يعشقوا بعض وصعب جدا ان تدخل وسطهم وهم لا يعملوا سوى مع بعضهم البعض ولا تجد غريبا وسطهم وحتى من ينشق عنهم ويعمل مع اخر يقاطعوه فهم مترابطين لدرجة رهيبة
ولكن هذا ليس هو السبب الوحيد لانه توجد قصص تحكى هنا عن ان الصينين مدعومين من المافيا السوداء وهي المافيا الصينية التى تعمل في كل شئ في السلاح والمخدرات وبيع الاعضاء وكل شئ قذر وياتوا الى اوروبا لغسيل اموالهم وبالتالي فلا توجد مشكلة في الفلوس لديهم لانها كلها غسيل ولكن يوجد نسبة كبيرة تقول انهم يقومون بعمل جماعي زي بنك او صندوق يتوجه اليه الصينين لتسجيل اسمائهم واحتياجاتهم وحينما يحتاج احد منهم عمل مشروع او شراء محل ياخذ من هذا الصندوق ولكن رايي الشخصي ان الصندوق هذا نصفه من المافيا ونصفه من الاشتراكات في الصندوق
ولكن طبعا لا يخفى على الكل شطارة الصينين ومثابرتهم فالصيني يستطيع العمل 18 ساعة في اليوم من غير ارهاق وباداء متميز
هذا على جانب العمل اما على الجانب الشخصى والانساني فهم جافين وحادين في التعامل ده غير انهم لا يتحدثون الايطالية بسرعه ونادرا ما تجد صيني يتحدث الايطالية بطلاقة فهم دائما يعملون مع بعض ولايحتاجوا للغة كثيرا
السلام عليكم ورحمة الله وبركاته.
ونكمل مع بعض الجاليات الاجنبية ونيجي للجالية الاسيوية والافريقية وفيها مجموعة دول مواطنيها مغتربين في العالم كله زي حالاتنا كده ونظرا لانها جاليات من غير صوت زينا برضه فهم عدد كبير ولكن ليس لهم اي تاثير يذكر كما انهم ليسوا بمثيري الشغب او المشاكل وهذه هي الدول التى اعنيها الفلبين الهند بنجلاديش سيريلانكا باكستان سوريا الاردن العراق فلسطين واندونيسيا ودول فريقيا مصر والسنغال والكاميرون وغانا وكوتديفوار والصومال واريتريا واثيوبيا والسودان وتشاد وموريتانيا ومورويشيوس ومدغشقر وشوية دول صغيرة في القارتين وطبعا مصر هتكون لوحدها في مشاركة خاصة
كل الدول دي تتوافق في حاجات كتير يعني دول بنجلاديش والسنغال والكاميرون والهند وباكستان اغلبهم بيشتغلوا في البيع المتجول يعني تلاقيهم في المحطات والشوارع الرئيسية بيبيعوا ورد وشماسي وجرايد وجوانتيات واحزمة والحاجات دي واغلبهم بيكون من غير اوراق لانهم بييجوا عن طريق البحر وفيه شوية قليليين جدا منهم اللي بياخدوا لجوء سياسي او انساني
ودولة زي الفلبين اغلبهم بيشتغل خدم او في رعاية المسنين ومعروف عن الفلبينيين انهم مؤدبين ونظاف وصوته مش عالى وجد في شغلهم وطيبين وهاديين وجالية لطيفة ولهم باع كبير في مواقف المهاجرين ضد سياسات الحكومة العنصرية
ودول زي سوريا وسريلانكا غالبا بيشتغلوا في مجال الصناعة والتجارة والزراعة وبيفتحوا شركات هنا وبيعملوا شغل كويس
وباقي الدول مش ليهم حاجة ميمزة لانهم بيشتغلوا في نفس المجالات وطبيعتهم واحدة
اما الافارقة فما يميزهم انهم دائما ضحايا للعنصرية من قبل الشرطة واحيانا من بل المواطنيين ودي تقريبا كل الجاليات اللي موجودة في ايطاليا بتنوعها واختلاف ثقافات وديانات وعادات وتقاليد
السلام عليكم ورحمة الله وبركاته.
وبعد ما حكينا عن الجاليات الموجودة في ايطاليا
هافرد المشاركة دي للجالية المصرية يعني اسمع سلااااام كبير اوى والسلام الجمهورى هيسقف هههه الجالية المصرية في ايطاليا اعتقد انه لاتوجد جالية مشابهة لها في اى مكان خصوصا الوافدين في اخر عشر سنين تحديدا ففي ايطاليا المصريين حسب الاحصائيات الرسمية الايطالية 75 الف وحسب السفارة المصرية 120الف وحسب تقديري الشخصي من 350الف-400الف على الاقل وتاتى هذه الاحصائيات لان 30%على الاقل من المصريين معاهم اوراق فلسطينية او عراقية او اي جنسية لها مشاكل في بلادها او حروب اهلية او مشاكل انسانية المهم انه يقول انه مش مصري عشان يدخلوه مركز الايواء وبعد كده يقرر انه يهرب ويروح لبلدياته ونبدا الموضوع من الاول
اولا في ايطاليا يوجد على الاقل واحد من كل قرية او مركز او بلد في مصر ولكن تبقى محافظة الفيوم هي الاكبر عددا ومتمثلة في مركز اطسا عامة وقرية تاتون بالذات فعلى قول اهلها انه يوجد من كل بيت على الاقل واحد في ايطاليا وعددهم يعتبر الاكبر فمواطنى قرية تاتون ينقسموا الى قسمين قسم البشوات وهو اصحاب الشركات والكووبراتيفات cooparative والامبريزات impresa خصوصا في مجال المعمار والكارتونجيسسو cartoogisso ودول نوعين نوع كويس بيحاسب الناس بما يرضى الله ونوع اجاراك الله ياكل مال النبي والنوع ده بيكون اومارتي او بتاع مخدرات او بنات
ولكن الناس السيئة هي الاكتر مع الاسف ومبوظين سمعة الناس الكويسة
والقسم الثاني هو قسم العمالة ودول نسبة كبيرة اوي وكلهم او نسبة كبيرة منهم اتعلموا المهنة هنا لان حسب ما فهمت منهم ان فيه اختلاف كبير بين طريقة المعمار في مصر عنها في ايطاليا ولكن نسبة كبيرة منهم عندهم خلفية مسبقة ولكن يتميز العامل المصري خصوصا في مجال المعمار عن سائر العمالة الاخرى من كافة الجنسيات ويوجد مصريين بارعين في مجال الموراتورا moratora وفي مجال الكارتونجيسسو cartoongisso وباقى اعمال السيراميك والباركيه والسباكة واغلب مواطني الفيوم يعملون في مجال المعمار
ودي شوية صور للمعمار
المحافظة التى تحتل المركز الثاني هي محافظة الشرقية ولكنها متشعبة شوية عن محافظة الفيوم حيث يوجد من كل قرى ومدن محافظة الشرقية ولكن توجد قريتان يعتبروا الاكثر قرية ميت سهيل واغلبهم يعملون في مجال المطابع ويوجد عائلة بالكامل من هذه القرية هنا وهي عائلة القطيط التى منها مازن القطيط صاحب شركة مصر2000 التى تدور القمامة في القاهرة وهو شريك بنسبة 40% في مطابع الدومس il doumes اكبر مطابع ميلانو وكان سبب في استضافة اغلب اقربائه وبلدياته فكلهم تقريبا يعملون في مجال المطابع ولا يدخلون اي غريب بينهم وتاتي بعد ذلك قرية بني هلال واغلبهم يعمل في مجال النظافة نظرا لان اغلبهم ياتوا ايضا على اقربائهم وبلدياتهم ده غير ان نسبة كبيرة منهم اخدت شغل من الباطن مع شركة amsa شركة النظافةالاولى في ايطاليا ودي شوية صور لعربيات والزي لشركة amsa
يتبع
السلام عليكم ورحمة الله وبركاته.
ونيجي للمحافظة الثالثة من حيث العدد وهى محافظة الدقهلية وبالذات قرية ميت الغرقا مركز طلخا وشانها ايضا شان باقى القرى السابقة حيث ايضا توجد عائلات بالكامل هنا وهم يعملون ايضا فيكافة المجالات كالمعمار والنظافة والمطابع
ثم تاتى محافظة المنوفية ومركز تلا كرابع محافظة من حيث العدد وايضا يعملون في نفس المجالات
ثم محافظة القليوبية وبالاخص كفر الجمال وتجد لهم تجمع ملحوظ في مدينة فاريزي وكان لهم منذ فترة ليست بالكبيرة احد ضحايا العنصرية الايطالية حيث قام صاحب عمل ايطالي بقتل احد مواطنين هذه القرية لمطالبته بحقه عن فترة عمله وقد خرجت مظاهرة كبيرة ايامها تندد بما حدث
وفي الاخير باقي محافظات مصر ولكن المحافظات والقرى السابقة هي اللي منها نسبة كبيرة تتعدى ال70% من عدد المصريين هنا
وباقى الاعمال التى يقوم بها المصريون
المطاعمresturante
والبيتزاريات pizzearia
والكباب kebab
والسنترالات phone center
الجزارات ماتشلريليرا macelleria islamica
ويوجد في ميلانو 3 او 4 ديسكوهات discoteca
اصحابها مصريين وفيها شيشة ورقص بلدي واخر مسخرة ويوجد مطعمان مشهوران جد في ميلانو اصحابهم مصريين برده مطعم خربوش وعنده كل الاكل المصري الجامد ومطعم جحا وده فاتج في وش خربوش نظام مصري برده ولكنه فتح بعد نجاح خربوش ولكن بصراحة مجربتش اكله ولكن بيقولوا عليه كويس
ونفتح بقى مع بعض عيوب ومميزات الجالية المصرية في ايطاليا والسلوك الشخصي لهم
هنحكي عن مميزات وعيوب الجالية المصرية هنا وطبعا دي حاجة تهمنا احنا كمصريين فقط
وطبعا هاقولها من وجهة نظرى انا من خلال تجربتي الصغيرة هنا وهابدا بالمميزات لانها افضل كبداية للحديث عن اي شئ وطبعا احنا كاى شعب في الدنيا فينا مميزات وعيوب
ونبدا باول ميزة لاحظتها هنا وهي التدين فعلى الرغم من ان المجتمع الايطالى بصفة عامة والاجانب بداخله يتسموا جميعا بالانحلال الديني والاخلاقي فلا يوجد معنى هنا للحياء فتجد بنت وولد مراهقين لم يتعدوا الحادية عشر من العمر في الشوارع والمواصلات ياتون بافعال في منتهى السفالة والاباحية ولا يجدوا من يردعهم ولكن الجالية المصرية بفضل الله وسط هذا الانحلال متدينة وتخاف الله في هذه الامور تحديدا وكبيرهم شقاوة لسان وتريقة فقط لكن لا ياتون بالفواحش وحتى في كل الصلوات تجد المساجد مليئة بالمصريين باغلبية كبيرة عن باقى الجنسيات المسلمة الاخرى دهغير ان حتى الجالية المصرية كلامها كله مموزج بذكر الله فلا تسمع منهم الا ان شاء الله بامر الله وعند الشكوى حتى لا يكفروا كباقى الجنسيات فتجدهم محتسبون ومتوكلين على الله على الرغم من بساطة تعليمهم وثقافتهم الا انهم من الصعب اقناعهم بغير الاسلام دينا وتجد ايضا اكثر بنات وستات الجالية المصرية حشمة وحياء عن سائر الجنسيات وحجابهم ونقابهم حاجة تفرح فعلا وعلى الرغم من اشمئزاز العلمانين المصريين ولهم وجود ايضا من ان هؤلاء فلاحون ويسيئوا لسمعتناولكني دائما على خلاف معهم في هذه النقطة تحديدا
لانه التدين ليس حكرا على احد وليس كل التعليم او كل المتعلمون هم المتديون ويوجد ناس صحيح قد لا يجيدوا القراءة والكتابة ولكنهم قد يوجد بداخلهم مخزون تدين يفوقوا المتعلمين واصحاب الشهادات وللاسف الشديد الفضائح هنا لا تاتي الا من اصحاب الشهادات ليه مش عارف ودي حاجة مخلياني مذهول فعلا ولكنه واقع وحتى ما يعجبني في المصريين هنا انهم لا يحبوا العمل في الحرام وممكن فلوس الحرام هنا اسرع واريح ولكنهم يفضلوا العمل الشاق عن العمل في الحرام ويتميزوا ايضا بهذه الصفة عن باقي الجنسيات في هذه النقطة وطبعا انا باتحدث عن نسبة لا تقل عن 60% من المصريين هنا ودي اول حاجة بتميزهم
والصفة او الميزة الثانية التى تمتاز بها الجالية المصرية وهي الطموح فعلى الرغم من ان نسبة كبيرة من المصريين غير مثقفين الا ان طموحهم لا يتوقف عند حد معين واحيانا بعض الطمع ولكن هذا الطموح مشروع فكل او اغلب الشباب اللي بييجوا هنا يريدوا ان يصلوا لوضع معين او هدفمعين ويسعوا لتحقيقه صحيح قد يتسم هذا الطموح بشئ من الانانية اوالارهاق البدني والنفسي فالمصري يستطيع تحمل الضغط والظروف القاسية في العمل ويستطيع تحمل فوق قدرة البشر وده بشهادة الطلاينة انفسهم ان المصري طموح جدا غير باقى الجنسيات ده غير انه مش بيحب يفضل تحت امرة حد لفترة كبيرة وده وضح جدا في تقرير الغرفة التجارية في ميلانو بوجود 23الف شركة اسست في ميلانو اصحابها اجانب وتاتي مصر رقم واحد من حيث عدد اصحاب الشركات وجلت 5الاف شركة واغلبهم شركات معمار ونظافة ومطاعم ومحلات تجارية ولكن مع هذا الطموح يظهر الطبع المصري السئ وهو الفهلوة والتحايل على القانون ويظهر هذا واضح في كم الضرائب الهزيل الذي يدفعه اصحاب هذه الشركات والمصري الذي يريد عمل اي مشروع تجد البنوك تتعامل معه بحرص شديد جدا لانهم للاسف زبائن دائمين لدى المحامين والمحاسبين الغير شرفاء والذين يتحايلون على القانون هنا ولكن هذا اسلوب قلة من المصريين ولكنها ميزة موجودة وواضحة وهي الطموح ولكن ما يعجبني شخصيا في الغالبية العظمى هي الطموح الشرعي والحلال
والصفة الثالثة اللي بتميز المصريين في ايطاليا هي المهارة والحرفية وسرعة التعلم فالمصري ياتي هنا قد يكون لا يعلم اي شئ عن الحرفة والمهنة التي يريد العمل فيها وما هي الا فترة بسيطة وتجده قد اصبح ماهرا في تلك الحرفة او المهنة على عكس اغلب الجاليات فياخذون وقت طويل لتعلم هذه المهنة وقد لا يجيدونها لان الجالية الوحيدة التى توجد بها نسبة كبيرة تعمل في الاعمال الحرفية والشاقة ولا تعتمد على المعونات والشحاتة وحتى سؤال المصري دائما عن وجود عمل غير باقي الجنسيات قد تسال عن العمل قليلا وتسال عن المال اكتر فهنا توجد جمعيات خيرية ومؤسسات اجتماعية تعطيك اكل ولبس وسكن ببلاش وتجد اقل المترددين على هذه الاماكن هم المصريين وبشهادة اغلب الجنسيات ان العامل المصري هو اكثر العمال مهارة خصوصا في مجال المعمار والصناعة ولا اعلم كثيرا عن مجال الزراعة لان اقليم لومبارديا يعتمد في المقام الاول على الصناعة
والصفة الرابعة هي الشهامة
والمرؤة وقد حكى لي شاب ايطالى يدعى جانلوكا يعمل ايضا في مجال المعمار انه راى موقفرائع لا ينساه ابدا لشاب مصري كان يعمل معه في كانتيرا cantira اى موقع شغل ويوجد ونش كبير يستخدم في نقل المواد من خارج الكانتيرا الى داخلها وغالبا ماترى هذا الونش العملاق في اغلب مواقع البناء ويحكي هذا الايطالى انه يوجد عامل رومانى موجود في احد المواقع وقد نشبت النيران في هذا الموقع فطبعا الدنيا اتقلبت وطلبوا المطافئ والاسعاف ولكن قبل ما يوصلوا كان الشاب المصري قد طلب منه انه ينقله بواسطة الونش ده الى الموقع اللي فيه الروماني رغم خطورة هذا على حياة الشاب المصري الا انه ذهب وانقذ العامل الروماني وسط اعجاب واشادة من كل الموجودين ومكافاة من صاحب الشركة ومن يومها وهذا الشاب الايطالى يحترم المصريين ويعتبرهم افضل الجاليات هنا وهذا ما اثار انتباهي حيث وجدته رحب بي كثيرا عندما علم اني مصري وكمان لقيته عارف كام كلمة كده مصري وفاجاني عندما حكى لى هذه القصة فانا بصراحة اعتقدت انه عندما المح انه سيتحدث عن موقفه مع مصري فتوقعت انه سوف يذكر موقف سئ او مقلب عمله فيه حد مصري ده غير انه معجب اوى بالمصريين في مجال المعمار وبيقول عليهم انهم مشكلتهم الوحيدة بالنسبة ليه انهم مش بيتكلموا الايطالية بسرعة وده اللى مخلي اصحابه مش كتير ودي المميزات
ونكمل بقى مع العيوب تقبلوا تحياتي
السلام عليكم ورحمة الله وبركاته.
ونكمل بعد المميزات اللي حكيناها عن الجالية المصرية اكيد لازم نتطرق لعيوبها وعيوبنا كمصريين قد تكون واحدة في كل الدول اللي بتغرب فيها ولكن انا هاقول العيوب اللى انا شايفها من وجهة نظري الشخصية واول عيب انا شوفته هنا هو الفتى وااااااااااااااه من الفتى وحب الاشاعات فهذا ما يعيبنا هنا بشدة وخصوصا عندما يتعلق الامر باخبار الهجرة او الاقامة فانا شخصيا دخلت في حوارات كتير وخناقات يمكن بسبب هذا العيب المزمن فمثلا تلاقي واحد بقاله اربع خمس سنين هنا وشغال كويس والعملية متظبطة معاه ولكن طبعا الحنين للاهل والبلد والراحة ولو فترة قليلة من مشاكل الحياة هنا ولكن تؤرقه مشكلة الاوراق لانه لميحضر اخر ساناتوريا فبالتالى اذا رجع الى مصر لن يستطيع العودة مرة اخرى فيبدا يسال اه يا جماعة مفيش ورق هيفتح فيبدا الفتى بقى تلاقى واحد راح مشمر وقايل بس يا جدعان محدش يتكلم انا هاقولكم الموضوع اصل انتم لامؤاخذة عالم غشيمة متعرفوش الطلاينة زيي طالما مش عارف ايه ويروح رازع اي سبب اهبل يبقى هيفتحوا ورق في شهر 9 واسال انا بقى وانت عرفت منين ? يقول لك اصل انا اعرف واحد كبير في الكويستورا قاللي كده طيب وهو قالك الكلام ده بناء على ايه يعني هو لا وزير ولا عضو برلمان ولا له قرار تشريعي هو مجرد هيئة تنفيذية فطبعا هو مفهمش البؤيين دول فيروح مخرجك من الموضوع على اساس ان انت ممكن تضيع له النصباية اللى ناوى ينصبها ولكن انا حشري خصوصا مع البشر ده فاقوله كل الاخبار والجرايد وتصريحات المسؤليين بيقولو مفيش تصحيح اوضاع لان بقى فيه قانون ارهاب وقوانين فلوسي وان من يريد ان يصبح شرعيا مفيش امامه سوى هذا القانون وهو تصريح حكومتان واحدة يمينية وواحدة يسارية يعنى مختلفين في كل شئ ومع ذلك اتفقوا على هذا المبدا وابدا انا بقى في التريقة عليه شان اكشفه فاقوله كلامك ده معناه يا اما انت في الحكومة ومتنكر يا اما الحكومة قررت انها تحتفظ بالسر ده لنفسها وقالتلك انت لوحدك في ودنك فيسكت وتانى حاجة تسال واحد عن مشكلة معينة وتكون حاجة عادية يروح مكبر لك الحكاية ويحسسك انه بعلاقاته واتصالاته اللي بتوصل لغاية بيرلسكوني ونابوليتانو هيخلص لك الحكاية بتاعتك بس طبعا الموضوع هيتكلف 300€ مثلا واللى بيغيظنى ان التاني بيصدقوا ومستعد يدفع له ولكن يقول اما اسال اي حد تاني اتاكد منه فايجيلي فاقوله يعنى واحد يعرف بيرلسكوني وليه اتصالاته يعنى ال300€ دول مش قليلة عليه يقولى اه اصله راجل طيب اقوله يا راجل يا طيب ده نصاب ومش يقدر يعمل لك ولا يعمل لنفسه اي حاجة ولكن للاسف الناس بسيطة وبتتعلق باي امل كذاب ودول طعا فريسة النصابين او فريسة المكلمنجية واللى عاملين نفسهم بيعرفوا الكوفت وهم اجهل ما يكون ومشكلتنا هنا ان احنا بنتعامل على ان القديم في البلد رئيس وزراء فاهم كل حاجة عارف كل حاجة كلامه لا يرد ويصدق من غير تفكير وقد يكون هذا القديم لا يعرف كيف يقرا ويكتب بالايطالية رغم مرور السنين عليه
وتانى عيب انا ملاحظه هنا برده اعتقاد ان الايطالى او الاجنبي صاحب الشغل هو اله وانه هو الذي يرزق فترى تمسيح الخوج والنفاق وكانك في عصر العبيد
نكمل اليوميات وهاتكلم عن الكورة في ايطاليا وتحديدا في ميلانو خصوصا بعد اللي حصل لي امبارح بسبب ماتش مانشستر وانترميلان شوفت يوم غبي مواصلة لا تتعدي ال15 دقيقة اتاخرت ساعتين ونص بسبب الهوليجانز والالتراس خرجوا من الاستاد عطلوا الطريق والبوليس اتجمع حواليهم وطبعا الحياة وقفت وبتوع مانشستر مجانين وعمالين يولعوا صواريخ ويرموها على البوليس وبتوع الالتراس بيردوا والسواق مش راضي ينزل حد عشان الطريق وحاجة كده ولا ماتش الاهلي والاسماعيلي في الاسماعيلية
وفي ميلانو يوجد ناديين من اشهر اندية العالم نادى ايه سي ميلان او الروسونيرو وده نادي ملك سيليفو بيرلسكوني وده طبعا غني عن التعريف
والنادي التاني هو انتر ميلان نادي المليادير الايكالي موراتي ويقال انه احد اكبر اعضاء المافيا ولكم مفيش حاجة اكيدة عليه
ولكن النادي الاطثر شعبية بين الاجانب هو الانتر ليه مش عارف
انا شخصيا بحب اليوفينتوس او لا فيكيا سنيورة او البيانكو نيرو رغم فضايحه الكتير الا انه ناديي المفضل واليساندرو ديل بييرو هو لاعبي المفضل
وطبعا لسوء حظى اني ساكن جنب الاستاد وهو ستاد ايضا غني عن التعريف وهو استاد سان سيرو
او الاسم الرسمي جوزيبي مياتسا فطبعا كل ماتش لازم اتلطع شوية في الشارع او في الاتوبيس خصوصا لان هنا بشر يسموا الالتراس ودول شوية عيال مجانين بيقلبوا الدنيا سواء فريقهم كسب او خسر
ومعروف عن الطلاينة انهم مجانين كورة وده فعلا واضح من حياتهم ولكنهم لا يعرفوا سوى الكورة بتاعتهم بس
وتعتبر الكورة هي لعبة السياسين في ايطاليا فكل سياسي ينوي تقديم برنامج معين عشان يكسب ود الطلاينة لازم تلاقي ليه علاقة بالكورة
وفيه برنامج لذيذ اوي اسمه ستريتشا لا نوتيتسيا stritscia la notizie
وفي البرنامج ده الفريق اللي يخسر او اللاعب اللي يغلط يروحوا يدولوه هدية مسخرة طبعا مينفعش اذكر الهدية بتكون عبارة عن ايه
وكانت الذ حلقة في البرنامج لما توتي وايه اس روما خسر 7/1 من مانشستر راحوا وادوا لكل لاعب الهدية دي وتوتي ضرب المذيع يومها
واحلى حاجة هنا اهتمامهم بالرياضة يعني تلاقي الساعة 6 او 7 الصبح مهما كان الجو ومهما كان السن تلاقيهم بالترنينحات وبيجروا واعمار كبيرة والواحد فينا ماشي بيكح ودول صحتهم حلوة جدا وسبحان الله تحس انهم بمواعيد يعني الساعة 6 الا عشرة مثلا تلاقي مفيش بني ادم في الشارع ولكن الساعة 6 بالضبط تلاقي ناس كتير بتجري او بتلعب اي نوع رياضة وده طبعا في الجناين الكتير والشوارع المتظبطة يتبع
نيجي بقى لاكتر حاجة مضايقاني في ايطاليا وهي الكلاب
الكلاب هنا ليه اوضاع تغيظ فعلا ففي كل دول العالم الغربي ستجد هذه الظاهرة فاهتمام الناس بالكلاب هنا اكتر من اهتمامهم بالانسان وسبحان الله انا من ساعة ما جيت شوفت اكتر من 500 نوع وشكل للكلاب وده غير الدلع اللي بيدلعوه هنا كمان بس اللي بيغيظني بجد انك تلاقي واحدة زي القمر وستايل والبروفوم بتاعها مالي الدنيا والشكل الجامد وماسكة كلب صغير اد القطة كده او اصغر وتفضل ماشية بيه لغاية ما الكلب يقضى حاجته وتلاقي صاحبتنا راحت مطلعها كيس من شنطتها ولابساه في ايديها وشايلة ال لامؤاخذة وتروح ترميه في اي شيستينو من بتاع الزبالة وعادي جدا وتلاقي واحد اد الهضبة وماسك كلب اد العصفور وماشي بيه
وتلاقي بت حجمها صغير وماشية بكلبين اد الحصان يعني حتى مفيش تناسق في الاحجام
ويا الله لو عربية خبطت كلب يبقى يوم اسود على السواق تلاقي الاسعاف والمطافي والبوليس والدنيا كلها اتقلبت وتلاقي علطول الطلاينة وقفوا ويبدوا عليهم شعور بالاسى لما اصاب الكلب الغلبان وتلاقي اللي بيعيط واللي متنرفز من رعونة السواق في اهدار حياة الكلب يعني حاجة تجيب الضغط
وفي مرة كنت ماشي ناحية الدومو وشوفت واحدة عجوزة ماسكة كلب وماشية في الممنوع فواحد مش اخد باله كان هيخبط الكلب يا الله على اللي حصل انا بقيت في ذهول لاني في الاول كنت فاهم ان الابندا دي عشان الست واتصدمت لما عرفت انها عشان الكلب فانا واقف وباضحك لما عرفت ان كل ده عشان الكلب وفجاة الشارع اتقفل وحطوا شرايط صفرا وحمرا عشان يقفلوا لغاية ما يخلصوا تحقيق واذ فجاتن الاقي نوع من الاسعاف اكتشفت انه مخصص لنفسية الكلب وصاحبته
المهم مشيت وانا باضرب كف على كف وتذكرت كلمه كان قالها لي صديقى اللي في انجلترا دلوقتي
لو تعلم كلاب الشرق الاوسط وافريقيا النعيم الذي تعيشه كلاب اوروبا لركبت البحر مع الانسان في مراكب الهجرة
ولكن هنا لو كلب عض واحد برده كارثة هنا لانها ممكن تدفع صاحب الكلب كل ما يملك لتعويض الشخص المعضوض
ويا سلام لو تتفرج في كل مكتبة او كمونا او حاجة تبع الحكومة تلاقي واحدة كاتبة قصتها مع الكلب بتاعها واحدة عارضة كلبها للبيع واحدة عاوزة تسيب كلبها لحد لانها هتقعد في المستشفى شوية يعني وتلاقي مواقع نت متخصصة في الكلاب
ده غير ان ليهم مكان في الجناين عشان يلعبوا ويتفسحوا
ومكان في المواصلات
وفيه قسم كامل في كل سوبر ماركت مخصص لاكل ولبس وشرب الكلاب
بصراحة حاجة تغيظ وتفرس
الواحد بيحقد على الكلاب
نكمل اليوميات ب البحث عن عمل وبما اني في مرحلة بحث عن عمل فهيكون ده الوقت المناسب اللي اتكلم فيه عن طريقة البحث عن شغل
وهنا العملية دي مقرفة جدا هنا نظرا لل CRISI او الازمة المالية
وطبعا عشان تشتغل لازم يكون عندك ثلاث حاجات
1- اقامة 2- لغة 3- حرفة معينة او خبرة
وطبعا ده من غير ترتيب لان ممكن يكون معاك لغة واقامة زي حالاتي ومش عندك حرفة معينة ومش تلاقي شغل وممكن يكون معاك الحرفة بس وبتزور الاقامة وتشتغل زي 70% من اللي شغالين هنا مش معاهم اوراق ولا لغة وبيشتغلوا وده عشان اما انهم بيكونوا حرفيين وماهرين في حرفتهم زي المصريين في المعمار والاتراك في الاكل مثلا او ان الشغل بيكون عادي بس صاحب الشغل بيستغل عدم حصولك على الاوراق وعدم معرفتك باللغة لاستغلالك وتشغيلك وقت كبير براتب قليل ومن غير اي سلامة وامان ليك يعني من الاخر لو مت عنده ...... ومات
نبدا الحكاية من الاول
عشان تشتغل يوجد ثلاث طرق اما عن طريق
1- اجنسيا دي لافورو AGENZIA DI LAVORO وده عبارة عن مكتب متخصص في ايداع العمالة في مواقع الشغل في نظير مقابل بياخده من صاحب العمل لان الاجنسيا دي هي اللي بتعينك وهي اللي مسئولة عن ضرايبك وعن قبضك ولو اجنبي هي اللي بتجدد لك الاقامة بناء على العقد اللي بتوقعه معاها واشهر الاجنسيات في ايطاليا هي
www.adecco.it
www.manpower.it
www.eurometis.it
GI GROUP
وميزة هذه الاجنسيات انهم مستفيدين من تشغيلك فانت كباحث عن عمل بالنسبة لهم عميل يودون راحتك ومساعدتك وبصراحة مقابلتهم حلوة وطريقة التعامل بتاعتهم لذيذة واغلب اللي بيكون شغال في السكرتارية بتاعتهم بنات طلاينة جامعيات فتلاقي الشياكة والرقي في التعامل وحتى لما تقول لهم مثلا يعني مفيش شغل تفضل تصبرك وتديك امل في الدنيا على عكس النوعين التانيين اللي اذكرهم في المشاركات المقبلة
وتبدا العملية بانك بتروح مثلا للاجنسيا وتقول
بونجورنو سونو ايجيتسيانو ستو شيركاندو لافورو
فتلاقي الرد الرقيق
سي تشيرتو بير سيمبرى تشي لافورو
مع ضحكة رقيقة ودعابة خفيفة
لان طبعا الواحد بيكون داخل والهم والغم كابسين على وشه ده غير صعوبة الموقف لانك بتكون مخضوض حبتين ومتوتر وقلقان وخمسين الف شعور ولكن تلاقيهم لطاف معاك
وتبدا تفهمك انك عشان تشتغل لازم يكون معاك دوكومنت DOCUMENT فتقول ايوة معايا بيرميسو دي سوجورنو وكوديتش فيسكالي وكارتا دينديتا يعني تصريح اقامة والرقم القومي والبطاقة الشخصية فتقولك بيرفيتو يعني تمام
طيب تسالك اشتغلت في ايه قبل كده كي فاتو لافورو بريما
فتقول الحاجة اللي اشتغلتها وتقول لك طيب يبقى انت مثلا الافضل ليك كذا وتاخد صور من اوراقك واول ما يلاقوا فرصة مناسبة ليك يتصلوا بيك عشان تروح تعمل بروفا لو عجبت صاحب الشغل واقتنع بيك يطلب منهم انهم يعينوك عشان تشتغل معاه وبعد التعيين بيدوك نموذج كده عليه اسم الاجنسيا وفيه ايام الشهر عشان تسجل فيه ساعات العمل اللي انت اشتغلتها وبعد كده اخر كل شهر تروح للاجمسيا تديهم النموذج ويدوك هما البوستباجا والشيك بمبلغ المرتب
وميزة الاجنسيا انها ملهاش في اللف والدوران وبتدفع لك فعلا التامينات والضرائب لهذا هي مش مفضلة عند الاجانب عامة والمصريين بشكل خاص لان طبعا انت كاجنبي ايامك في البلد معدودة ومرتبطة بمدة اقامتك فيها فمش من مصلحتك انك تدفع تامينات وضرائب لانها المفروض من حقك في سن المعاش اللي هو 65 سنة فطبعا مش مفضل بالنسبة للاجانب ونكمل مع باقي طرق الشغل في المشاركات القادمة
ونكمل مع طرق البحث عن عمل في
